ស្ថានីយផលិតកូនត្រីពូជ និងកសិដ្ឋាននៅសៀមរាប ភ្ញាស់កូនត្រីពូជ កង្កែប និងកន្ធាយ បានជាង១០លានក្បាល

ជាតិ

ស្ថានីយផលិតកូនត្រីពូជ និងកសិដ្ឋាននៅសៀមរាប ភ្ញាស់កូនត្រីពូជ កង្កែប និងកន្ធាយ បានជាង១០លានក្បាល

26, Jul 2020 , 4:59 pm

រូបភាព

ស្ថានីយផលិតកូនត្រីពូជខេត្តសៀមរាប

ដោយ:

ស្ថានីយផលិតកូនត្រីពូជ និងកសិដ្ឋានចិញ្ចឹមកូនត្រី កង្កែប កន្ធាយ របស់កសិករ នៅខេត្តសៀមរាប ភ្ញាស់បានពូជ បានជាង១០លានក្បាល នៅរយៈពេល ៦ខែដើមឆ្នាំ២០២០។ នេះបើតាមលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ។

តាមលោក វេង សាខុន ក្នុងចំណោមផលពូជដែលភ្ញាស់បានមានត្រីទីឡាព្យា ៣.៣លានក្បាល, ត្រីឆ្ពិន ៥.២លានក្បាល, ត្រីអណ្តែង ២.១ លានក្បាល, ត្រីកាបសាមញ្ញ ១៤ម៉ឺនក្បាល,ត្រីក្រាញ់ ៤ម៉ឺនក្បាល, កង្កែប៧០ម៉ឺនក្បាល និងកន្ធាយ ២ម៉ឺនក្បាល។

លោករដ្ឋមន្ត្រី វេង សាខុន បានឲ្យដឹងថា ការបង្កើនការផលិតកូនត្រីពូជនេះ គឺដើម្បីរួមចំណែកក្នុងយុទ្ធនាបង្កើនការផលិតស្បៀងក្នុងស្រុក កាត់បន្ថយការនាំចូល ក្នុងបរិបទកូវីដ-១៩។ យុទ្ធនាការនេះ ក៏នឹងចូលរួមបង្កើនប្រាក់ចំណូលពលរដ្ឋរស់នៅជនបទ កាត់បន្ថយការធ្វើចំណាកស្រុក និងកាត់បន្ថយការចាប់ត្រីពីធម្មជាតិផងដែរ៕