ជាតិ
បណ្ដុំអាជីវកម្មបន្លែក្នុងខេត្តកំពង់ឆ្នាំង ទទួលបានចំណូលចន្លោះ២ពាន់ទៅ៥ពាន់ដុល្លារ ក្នុងមួយឆ្នាំ
កសិករកំពុងប្រមូលផលខ្ទឹមស្លឹក
×![]()
ក្រោមគម្រោងកម្មវិធីបច្ចេកទេសកសិកម្មថ្មី ដែលធន់នឹងការប្រែប្រួលអាកាសធាតុ ហៅកាត់ថា ASPIRE បានធ្វើឲ្យសមាជិកបណ្ដុំអាជីវកម្មដំណាំបន្លែ នៅភូមិត្រពាំងក្រពើ ឃុំទឹកហូត ស្រុករលាប្អៀរ ខេត្តកំពង់ឆ្នាំង មានជីវភាពប្រសើរឡើង។ ក្នុងមួយឆ្នាំ បណ្ដុំអាជីវកម្មដំណាំបន្លែនេះ អាចទទួលបានចំណូលពី ២ពាន់ដុល្លារទៅ ៥ពាន់ដុល្លារ។ នេះបើតាមហ្វេសប៊ុករបស់លោក វេង សាខុន រដ្ឋមន្ត្រីក្រសួងកសិកម្ម។ 
លោក វេង សាខុន បន្តថាបណ្ដុំអាជីវកម្មដំណាំបន្លែនេះ កាន់តែរីកចម្រើនពីមួយឆ្នាំទៅមួយឆ្នាំ តាមរយៈការបំពាក់បំប៉ន និងជួយគាំទ្របច្ចេកទេស ហេដ្ឋារចនាសម្ព័ន្ធ និងថវិកាមួយចំនួន ពីគម្រោងកម្មវិធី ASPIRE ។ ដើមឡើយសមាជិកបណ្ដុំគ្រួសារកសិករ មានចំនួន ៣៩គ្រួសារប៉ុណ្ណោះ ប៉ុន្តែក្រោយមកបានកើនឡើងដល់៥៤គ្រួសារ និងមានផ្ទៃដីសរុប ១៦ហិកតា។ នេះបើតាមលោក រដ្ឋមន្ត្រីក្រសួងកសិកម្ម។
គិតមកទល់ឆ្នាំ២០២០នេះ គម្រោងកម្មវិធីបច្ចេកទេសកសិកម្មថ្មីដែលធន់នឹងបម្រែលបម្រួលអាកាសធាតុ បានពង្រីកសកម្មភាពរបស់ខ្លួន ២៤ខេត្ត ដែលទទួលហិរញ្ញប្បទានសម្បទាន និងឥតសំណង ពីមូលនិធិអន្តរជាតិសម្រាប់អភិវឌ្ឍន៍កសិកម្ម ហៅកាត់ថា IFAD ៕
បន្លែខ្ទឹមស្លឹកក្នុងបណ្ដំកសិករខេត្តកំពង់ឆ្នាំង
© រក្សាសិទ្ធិដោយ thmeythmey.com
