ជាតិ
សង្គមជាតិ
រដ្ឋាភិបាល ឧបត្ថម្ភ៥ម៉ឺនរៀលដល់មន្ត្រីរាជការ សម្រាប់បុណ្យភ្ជុំបិណ្ឌ សម្តេច ហ៊ុន សែន នាយករដ្ឋមន្រ្តីនៃព្រះរាណាចក្រកម្ពុជា
× ភ្នំពេញ៖ មន្ត្រីរាជការ រួមទាំងមន្ត្រីចូលនិវត្តន៍នឹងទទួលបានថវិកា៥ម៉ឺនរៀលពីរាជរដ្ឋាភិបាល សម្រាប់ថ្ងៃបុណ្យភ្ជុំបិណ្ឌខាងមុខនេះ។ ពួកគេ អាចបើកថវិកាទាំងនោះ តាមរយៈក្រសួងសេដ្ឋកិច្ច និងស្ថាប័នរបស់សាមីខ្លួន។ នេះបើតាមអនុក្រឹត្យរបស់រាជរដ្ឋាភិបាលដែលចេញផ្សាយនៅថ្ងៃទី៦ ខែសីហា។
អនុក្រឹត្យ កំណត់ថា ក្រសួងសេដ្ឋកិច្ច និងក្រសួង ស្ថាប័ន នឹងចាត់ចែងរៀបចំបើកប្រាក់ឧបត្ថម្ភដល់មន្ត្រីរាជការ ឲ្យបានមុនថ្ងៃបុណ្យភ្ជុំបិណ្ឌ។ ដោយឡែកក្រុមគ្រួសារនៃជនពលី និងរងគ្រោះដែលជាអតីតយុទ្ធជន ក៏ទទួលថវិកាចំនួន៥ម៉ឺនរៀលក្នុងមួយគ្រួសារផងដែរ។
មន្ត្រីដែលអាចទទួលថវិកាឧបត្ថម្ភនេះ ជាមន្ត្រីនៃក្រុមនីតិប្បញ្ញត្តិ នីតិប្រតិបត្តិ តុលាការ មន្ត្រីនគរបាលជាតិ មន្ត្រីពន្ធនាគារក្រសួងមហាផ្ទៃ យោធិននៃកងយោធពលខេមរភូមិន្ទ មន្ត្រីរាជការនៃអាជ្ញាធរសេវនកម្មជាតិ មន្ត្រីរាជការនៃគណៈកម្មាធិការជាតិរៀបចំការបោះឆ្នោត មន្ត្រីឧុទ្ទកាល័យ សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់ មន្ត្រីនៃការិយាល័យប្រជាពលរដ្ឋនៅរដ្ឋបាលថ្នាក់ក្រោមជាតិ ប្រធានភូមិ មន្ត្រីជាប់កិច្ចសន្យា និងបុគ្គលិកអណ្តែត និវត្តជនដែលបាត់បង់សម្បទាវិជ្ជាជីវៈ និងជនពិការដែលជាមន្ត្រីរាជការ៕
Tag:
ថវិកា
មន្ត្រី
ភ្ជុំបិណ្ឌ
© រក្សាសិទ្ធិដោយ thmeythmey.com