បណ្តាល័យចល័តត្រីចក្រយានយន្ត ជំរុញការអានដល់តំបន់អនាធិបតេយ្យនៅរាជធានីភ្នំពេញ

ជាតិ

រថយន្ត

10, Aug 2020 , 7:19 pm

រូបភាព

ភ្នំពេញ៖ លើសពីបោះពុម្ពផ្សាយសៀវភៅ អង្គការ ស៊ីប៉ា ក៏មានបណ្ណាល័យ និងកន្លែងអានសៀវភៅឲ្យស្ដាប់ ចំនួនប្រមាណ៤៤០ ក្នុងគ្រប់ខេត្តរាជធានីដែរ។ ក្នុងនោះមានកម្មវិធីអានសៀវភៅឲ្យសិស្សានុសិស្សស្ដាប់នៅសាលារៀន ឲ្យអ្នកជំងឺនៅមន្ទីរពេទ្យ និងក៏មានបណ្ណាល័យនៅពន្ធនាគារ និងនៅរោងចក្រដែរ។ ប៉ុន្តែប្រភេទបណ្ណាល័យ ដែលនាយ យ៉ាន បានចាប់អារម្មណ៍ជាងគេ គឺបណ្ណាល័យចល័ត ហើយដែលជាពិសេសនោះ អង្គការ ស៊ីប៉ា បានរៀបចំត្រីចក្រយានយន្ដ២គ្រឿង ឲ្យក្លាយជាបណ្ណាល័យចល័ត។ លោក រំសឹទ្ធ ម៉ារ៉ាឌី បណ្ណារក្ខបណ្ណាល័យចល័តនេះ ថាការយកកង់បីឥណ្ឌា តុបតែងឲ្យទៅជាបណ្ណាល័យចល័តនេះ គឺដើម្បីងាយស្រួលចល័តទៅដល់តំបន់ក្រីក្រ ក្នុងរាជធានីភ្នំពេញ ដើម្បីផ្ដល់ឱកាសឲ្យពលរដ្ឋដែលស្នាក់នៅទីនោះអានសៀវភៅ ជាពិសេសកុមារពិការ។