បទយកការណ៍ / បទសម្ភាសន៍
បទសម្ភាសន៍
អំឡុងថ្ងៃសម្រាក រដ្ឋបាលខេត្តសៀមរាបរៀបចំពិធីប្រកួតដណ្ដើម «ពានរង្វាន់មាន់អាំង»
×![]()
សៀមរាប៖ កំឡុងថ្ងៃឈប់សម្រាករយៈពេល៥ថ្ងៃ ពីថ្ងៃទី១៧ ដល់ទី២១ សីហា រដ្ឋបាលខេត្តសៀម រាបបានរៀបចំស្ដង់ពិព័រណ៍ម្ហូបអាហារ បន្លែ ផ្លែឈើ សម្រាប់ការកម្សាន្ត និងឱ្យភ្ញៀវទេសចរបានហូបអាហារផងដែរ។ ក្នុងន័យនេះ មន្ទីរពាណិជ្ជកម្មខេត្តសៀមរាប កំពុងរៀបចំឱ្យមានជាកម្មវិធីប្រ កួតមាន់អាំង និងពានរង្វាន់សម្រាប់អ្នកចូលរួមប្រកួតផង។ 
ព័ត៌មានពិស្ដារ សូមស្ដាប់បទសម្ភាសរវាងអ្នកនាង អ៊ីសា រ៉ហានី ជាមួយលោក ភឿន គឹមលី ប្រធានមន្ទីរពាណិជ្ជកម្មខេត្តសៀមរាប ដូចតទៅ
តាមការបញ្ជាក់ពីប្រធានមន្ទីរពាណិជ្ជកម្មខេត្ត ស្ដង់ពិព័រណ៍ដែលរៀបចំនៅលើសួនច្បារមាត់ស្ទឹងសៀមរាប ចែកជា៤ផ្នែក ទី១ ផ្នែកសិប្បកម្ម ទី២ ផ្នែកបន្លែផ្លែឈើ ទី៣ ផ្នែកម្ហូបអាហារកែច្នៃ និងទី៤ ផ្នែកម្ហូបប្រចាំតំបន់ក្នុង ក្រុង/ស្រុកទាំង១២ របស់ខេត្តសៀមរាប។
ចំណែកការប្រកួតមាន់អាំង លោក ភឿន គឹមលី ពន្យល់ថា កន្លងមកខេត្តសៀមរាបមានឈ្មោះល្បីល្បាញលើអាហារមួយនេះ ហើយការរៀបចំនេះវាកាន់តែផ្សព្វផ្សាយ និងជុំវិញឱ្យភ្ញៀវទេសចរដឹងពីម្ហូបអាហារប្រចាំតំបន់សៀមរាបមួយនេះ។ លោកបន្ថែមថា ការងារនេះ គឺភ្ជាប់ទៅនឹងគម្រោងអេមស៍របស់ក្រសួងពាណិជ្ជកម្ម ដែលធ្វើការងារពាក់ព័ន្ធជាមាន់ និងបន្ថែមផងដែរ។
ការរៀបចំកម្មវិធីកំឡុងជំងឺកូវីដ១៩ ពិតជាមានការលំបាកបន្ដិចសម្រាប់អាជ្ញាធរ ដោយបារម្ភពីករណីឆ្លងណាមួយជាយថាហេតុ។ យ៉ាងណា លោក ភឿន គឹមលី ប្រាប់ថា គណៈកម្មការរៀបចំយល់ច្បាស់ពីចំណុច និងត្រៀមរៀបចំតាមគោលការណ៍ណែនាំ របស់ក្រសួងសុខាភិបាលហើយដែរ។ លោកបញ្ជាក់ថា ការចេញចូលទស្សនារបស់ភ្ញៀវ នឹងឆ្លងកាត់ការវាស់កំដៅ និងលាងដៃដោយទឹកអាលកុល។ល។ បន្ថែមពីនេះ លោក ភឿន គឹមលី ស្នើឱ្យពលរដ្ឋចូលរួមសហការ និងចេះប្រុងប្រយ័ត្នខ្លួនឯងជាអាទិភាព៕
Tag:
មាន់អាំង
ទេសចរណ៍
© រក្សាសិទ្ធិដោយ thmeythmey.com
