ជាតិ
«បុណ្យរំលឹកគុណគ្រូ និងបង្សុកូលជូនបុព្វវីរព្រឹទ្ធាចារ្យចាប៉ីដងវែងគ្រប់ជំនាន់»
រួបភាពពីសហគមន៍ចាប៉ីអមតៈ
×![]()
ភ្នំពេញ៖ សហគមន៍ចាប៉ីអមតៈ នឹងរៀបចំកម្មវិធី «បុណ្យរំលឹកគុណគ្រូ និងបង្សុកូលជូនបុព្វវីរព្រឹទ្ធាចារ្យចាប៉ីដងវែងគ្រប់ជំនាន់» នាថ្ងៃទី៣ ខែ កញ្ញានេះ នៅវត្តនាគវ័ន។ កម្មវិធីនេះ រៀបចំឡើងក្នុងគោលបំណងឱ្យសិល្បករចាប៉ីដងវែង និងអ្នកស្រលាញ់សិល្បៈចាប៉ីដងវែង បានចូលរួមរំលឹកគុណឧបការៈដល់ព្រឹទ្ធាចារ្យចាប៉ីដងវែងគ្រប់ជំនាន់។
លោក ពេជ សារ៉ាត់ ប្រធានសហគមន៍ចាប៉ីអមតៈ បានឱ្យដឹងថា កម្មវិធីរំលឹកគុណគ្រូនេះ តែងធ្វើឡើងនៅរដូវបុណ្យភ្ជុំ ហើយនេះជាលើកទី៧ហើយដែលសហគមន៍ចាប៉ីអមតៈរៀបចំកម្មវិធីរំលឹកគុណគ្រូនេះឡើង។ ក្រៅពីមានពិធីបង្សុកូល ដល់ព្រឹទ្ធាចារ្យគ្រប់ជំនាន់ហើយនោះ ក៏មានការសម្ដែងចាប៉ីដងវែងជាក្រុម និងទោលពីសិល្បៈករចាប៉ីដងវែងផងដែរ។ នេះជាការបញ្ជាក់របស់លោក ពេជ សារ៉ាត់។
សម្រាប់ពលរដ្ឋដែលចង់ចូលរួមកម្មវិធី« «បុណ្យរំលឹកគុណគ្រូ និងបង្សុកូលជូនបុព្វវីរព្រឹទ្ធាចារ្យចាប៉ីដងវែងគ្រប់ជំនាន់» នាថ្ងៃទី៣ ខែកញ្ញានេះ អាចទាក់ទងទៅខាងសហគមន៍ចាប៉ីអមតៈ តាមរយៈលេខទូរស័ព្ទ ០១០ ៦២៥ ៤៣៩ ឬ០៩២ ៦៧៥ ៣២៣៕
Tag:
ចាប៉ីដងវែង
សិល្បៈ
© រក្សាសិទ្ធិដោយ thmeythmey.com
