ជាតិ
សុខភាព
ករណីឆ្លងគ្រុនផ្តាសាយធំបន្តគ្នានៅក្នុងពន្ធនាគារខេត្តព្រះវិហារ គ្មានករណី COVID-19 ឡើយ
×![]()
ដោយ: ថ្មីៗ
ក្រសួងសុខាភិបាលនាព្រឹកថ្ងៃទី១ ខែកញ្ញា នេះ បានប្រកាសពីករណីជំងឺគ្រុនផ្តាសាយធំ (Influenza A) បានកេីតឡេីងលេីក្រុមមនុស្សដែលកំពុងជាប់ឃុំនៅមណ្ឌលឃុំឃាំងនៃពន្ធគារខេត្តព្រះវិហារដោយមានការចម្លងបន្តគ្នា។ លទ្ធផលសំណាកបង្ហាញថា អ្នកឆ្លងទាំងនោះ មិនមានវិជ្ជមានកូវីដ-១៩ឡើយ។
នៅព្រឹកវេលាម៉ោង៧ និង១៥នាទីនៃថ្ងៃទី៣១ ខែសីហា ក្រសួងសុខាភិបាល បានទទួលព័ត៌មានអំពីករណីសង្ស័យជំងឺគ្រុនផ្ដាសាយធំ ជាច្រេីននាក់ ក្នុងចំណោមក្រុមអ្នកកំពុងជាប់ក្នុងមណ្ឌលឃុំឃាំងនៃពន្ធធនាគារខេត្តព្រះវិហារ។ ក្រោយពីការចុះស្រាវជ្រាវ ក្រុមការងារឆ្លេីយតបបន្ទាន់ និងក្រុមគ្រូពេទ្យពិនិត្យព្យាបាលរបស់មន្ទីរសុខាភិបាលខេត្តព្រះវិហារ បានបែងចែក អ្នកជំងឺចំនួន ១៤៧នាក់ (ស្រ្តី ១៩នាក់) ដាក់ក្នុងបន្ទប់ដាច់ដេាយឡែក អ្នកសង្ស័យឆ្លងជំងឺផ្តាសាយធំចំនួន១១នាក់ ត្រូវបាន ដាក់ឲ្យនៅបន្ទប់ដាច់ដេាយឡែកផ្សេងមួយទៀត និង អ្នកដែលមិនសង្ស័យឆ្លងជំងឺចំនួន ៣២៦នាក់ (ស្រ្តី ២០នាក់) ត្រូវបានដាក់ក្នុងបន្ទប់ដាច់ដេាយឡែកផ្សេងៗគ្នា។
លទ្ធផលវិភាគវត្ថុសំណាកទទួលបានពីវិទ្យាស្ថានជាតិស្រាវជ្រាវសុខភាពសាធារណ: នៅថ្ងៃទី០១ ខែកញ្ញា ឆ្នាំ២០២០ បានបង្ហាញ ថា អវិជ្ជមានវីរុសកូវីដ-១៩ ទាំងអស់គ្នា ដូច្នេះ មិនមែនជាករណីជំងឺកូវីដ-១៩ នោះទេ ហេីយលទ្ធផលវិភាគ មន្ទីរពិសោធន៍ ក៏បានបញ្ជាក់ដែរថា ជាករណីជំងឺផ្តាសាយធំ (Influenza A) ដែលជាជំងឺអាចឆ្លងបន្តគ្នា បានក្នុងទ្រង់ទ្រាយបែបនេះដែរ ប្រសិនបេីបុគ្គលម្នាក់ៗ មិនបានអនុវត្តកិច្ចការពារខ្លួនបានត្រឹមត្រូវទេនោះ។
ក្រសួងអះអាងបន្ថែមថា បច្ចុប្បន្ន ស្ថានភាពសុខភាពរបស់អ្នកជំងឺ មានសភាពល្អប្រសេីរជាបណ្តេីរៗ ៕
នៅព្រឹកវេលាម៉ោង៧ និង១៥នាទីនៃថ្ងៃទី៣១ ខែសីហា ក្រសួងសុខាភិបាល បានទទួលព័ត៌មានអំពីករណីសង្ស័យជំងឺគ្រុនផ្ដាសាយធំ ជាច្រេីននាក់ ក្នុងចំណោមក្រុមអ្នកកំពុងជាប់ក្នុងមណ្ឌលឃុំឃាំងនៃពន្ធធនាគារខេត្តព្រះវិហារ។ ក្រោយពីការចុះស្រាវជ្រាវ ក្រុមការងារឆ្លេីយតបបន្ទាន់ និងក្រុមគ្រូពេទ្យពិនិត្យព្យាបាលរបស់មន្ទីរសុខាភិបាលខេត្តព្រះវិហារ បានបែងចែក អ្នកជំងឺចំនួន ១៤៧នាក់ (ស្រ្តី ១៩នាក់) ដាក់ក្នុងបន្ទប់ដាច់ដេាយឡែក អ្នកសង្ស័យឆ្លងជំងឺផ្តាសាយធំចំនួន១១នាក់ ត្រូវបាន ដាក់ឲ្យនៅបន្ទប់ដាច់ដេាយឡែកផ្សេងមួយទៀត និង អ្នកដែលមិនសង្ស័យឆ្លងជំងឺចំនួន ៣២៦នាក់ (ស្រ្តី ២០នាក់) ត្រូវបានដាក់ក្នុងបន្ទប់ដាច់ដេាយឡែកផ្សេងៗគ្នា។
លទ្ធផលវិភាគវត្ថុសំណាកទទួលបានពីវិទ្យាស្ថានជាតិស្រាវជ្រាវសុខភាពសាធារណ: នៅថ្ងៃទី០១ ខែកញ្ញា ឆ្នាំ២០២០ បានបង្ហាញ ថា អវិជ្ជមានវីរុសកូវីដ-១៩ ទាំងអស់គ្នា ដូច្នេះ មិនមែនជាករណីជំងឺកូវីដ-១៩ នោះទេ ហេីយលទ្ធផលវិភាគ មន្ទីរពិសោធន៍ ក៏បានបញ្ជាក់ដែរថា ជាករណីជំងឺផ្តាសាយធំ (Influenza A) ដែលជាជំងឺអាចឆ្លងបន្តគ្នា បានក្នុងទ្រង់ទ្រាយបែបនេះដែរ ប្រសិនបេីបុគ្គលម្នាក់ៗ មិនបានអនុវត្តកិច្ចការពារខ្លួនបានត្រឹមត្រូវទេនោះ។
ក្រសួងអះអាងបន្ថែមថា បច្ចុប្បន្ន ស្ថានភាពសុខភាពរបស់អ្នកជំងឺ មានសភាពល្អប្រសេីរជាបណ្តេីរៗ ៕
Tag:
ផ្តាសាយធំ
© រក្សាសិទ្ធិដោយ thmeythmey.com
