អត្ថបទពាណិជ្ជកម្ម
ធនាគារ ព្រីនស៍ ទទួលបានពានរង្វាន់ជា«ធនាគារពាណិជ្ជឆ្នើមប្រចាំប្រទេសកម្ពុជា ឆ្នាំ២០២០»
×![]()
ដោយ: សារព័ត៌មានថ្មីៗ
ភ្នំពេញ ថ្ងៃទី១ ខែកញ្ញា ឆ្នាំ២០២០៖ ធនាគារ ព្រីនស៍ ទទួលបានពានរង្វាន់ជា«ធនាគារពាណិជ្ជឆ្នើមប្រចាំប្រទេសកម្ពុជា ឆ្នាំ២០២០» ពីស្ថាប័នអន្តរជាតិ International Banker។ នេះ គឺជាពានរង្វាន់ទី៤ ដែលធនាគារនេះទទួលបាន បន្ទាប់ពីក្លាយជាធនាគារពាណិជ្ជពេញលេញ ត្រឹមរយៈពេល២ឆ្នាំ តែប៉ុណ្ណោះ។ គួររំលឹកផងដែរ នៅមុននេះ ធនាគារទទួលបានពានរង្វាន់និយោជកល្អបំផុតចំនួន០៣។
Financial Publishing Limited គឺជាក្រុមហ៊ុនអាណាព្យាបាល នៃ International Banker ហើយក៏ជាប្រភពឈានមុខគេ នៃការវិភាគ និងមតិយោបល់ទូទាំងពិភពលោក លើវិស័យធនាគារ ហិរញ្ញវត្ថុ និងកិច្ចការពិភពលោក។ ពានរង្វាន់ International Banker នេះ ត្រូវបានបង្កើតឡើង ដើម្បីទទួលស្គាល់បុគ្គល និងស្ថាប័នដែលមានភាពច្នៃប្រឌិតខ្ពស់ ដែលបានកំណត់គោលដៅថ្មី សម្រាប់ការអនុវត្ត និងជំរុញឲ្យមានការពង្រីកដែនកំណត់នៅក្នុងវិស័យហិរញ្ញវត្ថុ។
ដូចដែល International Banker បានលើកឡើងពីចំណុចដែលគួរឱ្យភ្ញាក់ផ្អើល ចំពោះការវិវឌ្ឍដ៏លឿនរបស់ធនាគារ ព្រីនស៍ គឺការក្លាយជាធនាគារដំបូងបង្អស់ ដែលបានដាក់ដំណើរការបណ្ណឥណពន្ធ និងឥណទាន វីសា និងម៉ាស្ទ័រកាត បន្ទាប់ពីចាប់ផ្តើមប្រតិបត្តិការ ជាធនាគារពាណិជ្ជត្រឹមរយៈពេលតិចជាង ២ឆ្នាំ ហើយក៏ជាធនាគារដំបូងបំផុត ដែលបានពង្រីកសាខារបស់ខ្លួន រហូតដល់ ១៩សាខា និងម៉ាស៊ីន ATM ចំនួន ៣២ទីតាំង នៅទូទាំងប្រទេស ក្នុងរយៈពេលត្រឹមតែ ១២ខែប៉ុណ្ណោះ។ លើសពីនេះទៅទៀត ធនាគារ ព្រីនស៍ កំពុងបង្កើនភាពច្នៃប្រឌិតថ្មី លើអាជីវកម្មរបស់ខ្លួន ដោយប្រើប្រាស់សក្តានុពល នៃបច្ចេកវិទ្យាឌីជីថល ដើម្បីបំពេញតម្រូវការអតិថិជនរបស់ខ្លួន ឱ្យមានភាពងាយស្រួល ក្នុងការគ្រប់គ្រងប្រតិបត្តិការហិរញ្ញវត្ថុរបស់ពួកគេ តាមបែបឌីជីថលទំនើប។
ធនាគារ ព្រីនស៍ ក៏ទទួលបានពានរង្វាន់ និងការទទួលស្គាល់ពីស្ថាប័នអន្តរជាតិជាច្រើនផងដែរ ដែលក្នុងនោះ រួមមានដូចជា«និយោជកល្អបំផុត ១០០ នៅអាស៊ី ប្រចាំឆ្នាំ២០១៩» «និយោជកល្អបំផុតរបស់កម្ពុជា ប្រចាំឆ្នាំ២០២០» និង«និយោជកល្អបំផុតជាសកល ប្រចាំឆ្នាំ២០២០»។
លោក ហ៊ន់ សុរចនា ប្រធាននាយកប្រតិបត្តិនៃធនាគារ ព្រីនស៍ មានប្រាសាន៍ថា សមិទ្ធផលគួរឱ្យកត់សម្គាល់ទាំងអស់នេះ អាចកើតឡើងបាន ដោយសារតែចក្ខុវិស័យជាយុទ្ធសាស្ត្រដ៏ច្បាស់លាស់ របស់ធនាគារ ការប្តេជ្ញាចិត្តរបស់ភាគទុនិក ការគាំទ្ររបស់ក្រុមប្រឹក្សាភិបាល ការណែនាំ និងការគាំទ្រពីនិយ័តករ និងការខិតខំប្រឹងប្រែងរបស់ថ្នាក់គ្រប់គ្រង និងបុគ្គលិករបស់យើងទាំងអស់។ លោក ហ៊ន់ សុរចនា បន្តថា ភាគទុនិក និងក្រុមប្រឹក្សាភិបាល បានផ្តល់ឱ្យធនធានដ៏ចាំបាច់នានា និងមានការជឿជាក់ លើការវិនិយោគរយៈពេលវែង។ ដូច្នេះ ធនាគារអាចធ្វើខ្លួន ឱ្យមានភាពខុសពីស្ថាប័នដទៃទៀត នៅក្នុងវិស័យហិរញ្ញវត្ថុ។
លោក ហ៊ន់ សុរចនា បញ្ជាក់ដូច្នេះ៖« ល្បឿន និងកំណើនដ៏ខ្លាំងក្លា ជាមួយដៃគូប្រកួតប្រជែង ត្រូវទាមទារឱ្យយើងផ្តោតសំខាន់ លើការបែងចែកធនធានដែលមានស្រាប់ និងអាទិភាព នៃការងារឱ្យបានច្បាស់លាស់។ នៅក្នុងបរិបទនេះ សហសេវិករបស់ខ្ញុំ បានធ្វើការដោយមិនខ្លាចនឿយហត់ទាំងយប់ទាំងថ្ងៃដើម្បីអនុវត្តគម្រោងជាច្រើន ដែលត្រូវផ្តល់នូវលទ្ធផលអាជីវកម្មក្នុងពេលតែមួយ ដើម្បីធានាថា យើងមានមូលដ្ឋានគ្រឹះគ្រប់គ្រាន់ សម្រាប់ការរីកចម្រើនបន្ថែមទៀត។ បើគ្មានបុគ្គលិក ដែលមានការប្តេជ្ញាចិត្ត និងមានសមត្ថភាពទេនោះ។ យើងក៏មិនអាចមកដល់កន្លែង ដែលយើងមានសព្វថ្ងៃនេះដែរ។ លើសពីនេះទៀត ការទទួលបានការគាំទ្រ ក្នុងដំណើរការរីកចម្រើនរបស់យើង ពីដៃគូអាជីវកម្ម និងអតិថិជនរបស់យើងផងដែរ។ សរុបមក គឺជាការខិតខំប្រឹងប្រែង និងការគាំទ្រពីសំណាក់គ្រប់ភាគីពាក់ព័ន្ធទាំងអស់របស់យើង»។
ធនាគារ ព្រីនស៍ មានការប្តេជ្ញាចិត្ត ក្នុងការឆ្ពោះទៅរកចក្ខុវិស័យរបស់ខ្លួនដើម្បីក្លាយជា «ស្ថាប័នហិរញ្ញវត្ថុជម្រើសទីមួយរបស់អតិថិជនគោលដៅ»។ ធនាគារបន្តអនុវត្តផែនការពង្រីកបណ្តាញប្រតិបត្តិការរបស់ខ្លួន នាំមកជូននូវផលិតផលថ្មីៗ និងពង្រឹងធនាគារឌីជីថលស្នូល របស់ខ្លួន យោងទៅតាមកំណើនសេដ្ឋកិច្ច និងវិស័យហិរញ្ញវត្ថុដ៏រឹងមាំ។ ជាមួយនឹងបំណង ដើម្បីក្លាយជាធនាគារឌីជីថល ដែលល្អបំផុតនៅប្រទេសកម្ពុជា ធនាគារ បានបោះជំហានដ៏ធំមួយឆ្ពោះទៅរកការបញ្ចូល និងវិនិយោគដំណោះស្រាយធនាគារឌីជីថល ទៅក្នុងប្រព័ន្ធធនាគារស្នូលរបស់ខ្លួន ដើម្បីឆ្លើយតបឲ្យបានកាន់តែប្រសើរ នូវតម្រូវការរបស់អតិថិជន។ ធនាគារ ព្រីនស៍ ត្រូវបានចាត់ទុកថា ជាធនាគារក្នុងស្រុកដំបូងបង្អស់ ដែលមានការប្រើប្រាស់ប្រព័ន្ធឌីជីថល ក្នុងការគ្រប់គ្រងប្រព័ន្ធព័ត៌មាន ធនធានមនុស្ស ទម្រង់អេឡិចត្រូនិក និងកម្មវិធីធនាគារចល័តផងដែរ។
ថ្មីៗនេះ ធនាគារ ព្រីនស៍ បានដាក់ដំណើរការបណ្ណម៉ាស្ទ័រកាត និងវីសា Contactless ក្នុងអំឡុងត្រីមាសទី២ ឆ្នាំ២០២០ ដែលអនុញ្ញាតឱ្យអតិថិជន ទូទាត់ប្រាក់នៅតាមម៉ាស៊ីនទូទាត់ម៉ាស្ទ័រកាត/វីសា ណាមួយដែលមាននិមិត្តសញ្ញា Contactless។ ការទូទាត់នេះផ្តល់នូវសុវត្ថិភាព និងងាយស្រួលបំផុតសម្រាប់អតិថិជន ក្នុងការទូទាត់ប្រាក់របស់ពួកគេបានគ្រប់ពេល និងគ្រប់ទីកន្លែង។
នាពេលបច្ចុប្បន្ន ធនាគារ ព្រីនស៍ បានពង្រីកបណ្តាញប្រតិបត្តិការរបស់ខ្លួន រហូតដល់ ៣១ សាខាគ្របដណ្តប់រាជធានីភ្នំពេញ និង២០ខេត្តផ្សេងទៀត នៅទូទាំងប្រទេស។ ការដាក់ឱ្យប្រើប្រាស់ម៉ាស៊ីនអេធីអឹមចំនួន ៤៧ គ្រឿង រួមទាំងម៉ាស៊ីនអេធីអឹម នៅក្រៅសាខាទាំង ១៦ ទីតាំងដែលស្ថិតនៅក្នុងរាជធានីភ្នំពេញ និងខេត្តសៀមរាប បានផ្តល់នូវភាពងាយស្រួលដល់អតិថិជន ប្រើប្រាស់គណនីរបស់ពួកគេ។
ធនាគារ ព្រីនស៍ មានកិត្តិយស ដែលទទួលបានការទទួលស្គាល់ ពីសំណាក់ស្ថាប័នអន្តរជាតិ International Banker ហើយធនាគារមានការប្តេជ្ញាខ្ពស់ ដើម្បីសម្រេចបាននូវគោលដៅរបស់ខ្លួនក្នុងការក្លាយជា «ធនាគារឈានមុខគេក្នុងវិស័យហិរញ្ញវត្ថុ ដោយផ្តល់ជូននូវដំណោះស្រាយហិរញ្ញវត្ថុថ្មីៗ តាមរយៈបណ្តាញចម្រុះជាច្រើន ជាមួយនឹងការផ្តល់នូវភាពកាន់ងាយស្រួលដល់អតិថិជនរបស់ខ្លួន»៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
