អត្ថបទពាណិជ្ជកម្ម
''ភ្ជុំបិណ្ឌនឹកផ្ទះ'' ពី សុគន្ធ នីសា ត្រូវចំរដូវបុណ្យភ្ជុំស្តាប់ហើយនឹកស្រុកកំណើតស្ទើរស្រក់ទឹកភ្នែក
× «ភ្ជុំបិណ្ឌនឹកផ្ទះ» គឺជាបទចម្រៀងថ្មីរបស់ កំពូល តារាចម្រៀង សុគន្ធ និសា ដែលផលិតកម្មរស្មីហង្សមាស ទើបតែបញ្ចេញនាពេលថ្មីៗនេះ។ បទដែលនិពន្ធបង្ហាញ ពីទិដ្ឋភាពផ្ទះដែលនៅវាលស្រែនារដូវភ្ជុំបិណ្ឌ បានបង្ហើរសំនៀងដោយ កំពូលតារាចម្រៀង សុគន្ធ និសា នេះបានទាក់ទាញអារម្មណ៍របស់អ្នកស្ដាប់ ឲ្យនឹកដល់ស្រុកកំណើតរបស់ខ្លួន។
គួររំលឹកផងដែរថា បទចម្រៀង «ភ្ជុំបិណ្ឌនឹកផ្ទះ» គឺរៀបរាប់ពីជីវិត អ្នកដែលធ្វើដំណើរចាកចេញពីស្រុកកំណើតរបស់ខ្លួន មកធ្វើការនៅឯទីក្រុង។ លុះរដូវភ្ជុំបិណ្ឌមកដល់ បានធ្វើឲ្យគាត់មានការនឹករលឹកស្រុកកំណើត វាលស្រែ ការចងចាំដែលល្អ នឹកដល់ការធ្វើបុណ្យជាមួយ អ្នកមានគុណទាំងពីរ សាច់ញាតិនារដូវភ្ជុំបិណ្ឌនេះ។
បទចម្រៀង ក្រោមទឹកដៃនិពន្ធទំនុកចម្រៀងរបស់ លី ស៊ីនហួន ដែលពោរពេញដោយអត្ថន័យ អមជាមួយនឹងសំឡេងពីរោះក្រអួនក្រឳ រណ្តំរបស់កំពូលតារាចម្រៀង សំឡេងស្រទន់ សុគន្ធ និសា បានទទួលបានការគាំទ្រជាខ្លាំង ពីសំណាក់មហាជនក្នុងរយៈពេលដ៏ខ្លី។
គួរបញ្ជាក់ផងដែរថា ផលិតកម្មហង្សមាស តែងចេញបទចម្រៀងថ្មីៗ និងត្រូវកាលៈទេសៈ សម្រាប់បម្រើអារម្មណ៍ របស់ប្រជាជនកម្ពុជា។ តាំងពីដើម មកដល់ពេលនេះ គឺមានតែហង្សមាសទេ ដែលអាចផលិតបទប្រពៃណី បានយ៉ាងល្អបែបនេះ។ ចង់ដឹងថា ចម្រៀងបែបប្រពៃណីរបស់កំពូលតារាចម្រៀង សំឡេង ស្រទន់ សុគន្ធ និសា ពីរោះនិងប្លែកអារម្មណ៍កម្រិតណានោះ សូមប្រិយមិត្តស្តាប់កម្សាន្តទាំងអស់គ្នា៕
© រក្សាសិទ្ធិដោយ thmeythmey.com