បទ បថ្យាវត្ត
 

ជើងចុះជាន់ធ្លាក្រោយគ្រាសម្រាក

សាលាលែងផ្អាកផ្តើមរៀនជាថ្មី

ក្នុងគ្រាកូវីដជួបមិត្តប្រុសស្រី

សប្បាយឥតបីបានរៀនវិញហើយ។
 

សិស្សសែនរឭកនឹកគ្រូឥតស្បើយ

ថ្ងៃនេះជួបហើយសិស្សក្រាបសំពះ

អស់ជាច្រើនខែសិស្សរៀនពីផ្ទះ

ចំណង់ជម្នះលើកូរ៉ូណា។
 

ថ្ងៃនេះកូនបានមកកាន់សាលា

អរគុណម៉ាក់ប៉ាដែលខំខន្តី

បង្រៀនរូបកូនដោយថ្នមសម្តី

ទោះនឿយហត់ក្តីមិនដែលរួញរា។
 

សប្បាយណាស់មិត្តជួបជិតជុំជា

នឹងមិត្តគ្រប់គ្នាក្នុងគ្រាសិក្សា

បានរៀនជាថ្មីអរអ្វីម្លេះណា

តោះ ផ្តើមសិក្សាបន្តវិជ្ជា៕