ពីនេះ ពីនោះ
កុំនិយាយ«មញឹប»ត្រូវនិយាយថា«ក្រញឹប»ទើបត្រូវ!
× កន្លងមកពលរដ្ឋខ្លះនិយមនិយាយថា«ម៉ាញឹប»។ ការនិយាយថា«ម៉ាញឹប»មិនមែនជាពាក្យត្រឹមត្រូវទៅតាមក្បួនអក្សរសាស្ត្រខ្មែររបស់វចនានុក្រមខ្មែរឡើយ។ ជាក់ស្តែងមានតែពាក្យ«ក្រញឹប» តែប៉ុណ្ណោះដែលត្រឹមត្រូវ។ ប៉ុន្តែពាក្យនេះពុំសូវមានពលរដ្ឋប្រើ និងនិយាយប៉ុន្មានឡើយ ច្រើនតែនិយាយថា «មួយញឹប ឬម៉ាញឹប» ទៅវិញ។
ពាក្យ«ក្រញឹប» ជាគុណសព្ទ មានន័យថា តូចណាស់។ ជាទូទៅនិយាយថា តូចក្រញឹប ឬតូចក្រញឹបញ៉ឹប។ នេះបើតាមវចនានុក្រមខ្មែររបស់សម្តេច ជួន ណាត។
មិនមែនមានតែពាក្យនេះដែលពលរដ្ឋនិយាយខុសពីការសរសេរនោះទេ សូម្បីពាក្យ «តាណើប» ជាពាក្យនិយាយ ប៉ុន្តែការសរសេរ «ដំណើប», «តុក» ជាពាក្យនិយាយ តែជាពាក្យសរសេរ«តុ», «ខ្នោរ» ជាពាក្យនិយាយ តែជាពាក្យសរសេរ «ខ្នុរ»។ល៕
© រក្សាសិទ្ធិដោយ thmeythmey.com