ជាតិ
សង្គមជាតិ
សម្ដេច ស ខេង បញ្ជាឲ្យសមត្ថកិច្ចដោះស្រាយកង្វល់ពលរដ្ឋ ទាល់តែចេញលទ្ធផលផ្លែផ្កា
×![]()
ដោយ: ឡាយ សុភាវតី
ភ្នំពេញ៖ សម្ដេច ស ខេង រដ្ឋមន្រី្តក្រសួងមហាផ្ទៃ ឲ្យសមត្ថកិច្ចយកចិត្តទុកដាក់ដោះស្រាយបណ្ដឹង សំណើរ សំណូមពរ និងក្ដីកង្វល់របស់ពលរដ្ឋ ដែលពាក់ព័ន្ធនឹងសមត្ថកិច្ចរបស់ក្រសួង ។
ពលរដ្ឋអាចដាក់លិខិត ឬសរសេរទៅកាន់ក្រសួងមហាផ្ទៃ តាមរយៈទំព័រហ្វេសប៊ុករបស់ សម្ដេច ស ខេង និងបណ្ដាញសង្គមនានា ដើម្បីឲ្យអគ្គភាពជំនាញរាជធានី-ខេត្តចុះដោះស្រាយ។
ពលរដ្ឋអាចដាក់លិខិត ឬសរសេរទៅកាន់ក្រសួងមហាផ្ទៃ តាមរយៈទំព័រហ្វេសប៊ុករបស់ សម្ដេច ស ខេង និងបណ្ដាញសង្គមនានា ដើម្បីឲ្យអគ្គភាពជំនាញរាជធានី-ខេត្តចុះដោះស្រាយ។
រដ្ឋមន្ត្រីក្រសួងមហាផ្ទៃ ចាត់ទុកការដោះស្រាយបែបនេះ គឺជាវិធីផ្ដល់សេវាមួយដ៍សំខាន់ ក្នុងការឆ្លើយតបឲ្យទាន់ពេលវេលាជូនពលរដ្ឋ។
សម្ដេច ស ខេង បានណែនាំឲ្យគ្រប់បណ្ដាអង្គភាពជំនាញនៅចំណុះក្រសួងមហាផ្ទៃទាំងអស់ តាមដាននិងដោះស្រាយបញ្ហាជូនពលរដ្ឋឲ្យបានល្អ តាមគោលការណ៍របស់ក្រសួង។ លិខិតសម្ដេច ស ខេង ដែលបានចុះហត្ថលេខា កាលពីថ្ងៃទី២៣កញ្ញា សង្កត់ធ្ងន់ថា៖ «ត្រូវធ្វើការដោះស្រាយហើយដោះស្រាយទៀត រហូតទទួលបានលទ្ធផលដល់ចប់ ឲ្យបានត្រឹមត្រូវ ប្រកបដោយតម្លាភាព និងយុត្តិធម៌»។
ដោយឡែកអង្គភាពជំនាញទាំងអស់ ត្រូវធ្វើរបាយការណ៍លទ្ធផលនៃការដោះស្រាយទៅក្រសួងមហាផ្ទៃ ដើម្បីឲ្យក្រសួងមានវិធានការបន្ត។ នេះបើតាមការបញ្ជាក់បន្ថែមរបស់សម្ដេច ស ខេង៕
Tag:
ក្រសួងមហាផ្ទៃ
© រក្សាសិទ្ធិដោយ thmeythmey.com
