បទយកការណ៍ / បទសម្ភាសន៍
ជាតិ
×![]()
ភ្នំពេញ៖ នារីបម្រើសេវាកម្សាន្តនៅហាងខារ៉ាអូខេ ឬកន្លែងកម្សាន្តពេលរាត្រីភាគច្រើន មិនត្រូវបានសង្គមឲ្យតម្លៃ ហើយក៏មានមនុស្សមួយចំនួនរើសអើងពួកគេផងដែរ។ អ្នករិះគន់គិតថា ស្ត្រីដែលធ្វើការពេលយប់ជានារីមិនល្អ និងជានារីរកស៊ីផ្លូវភេទដោយប្រយោល។ មានមែន នារីដែលឆ្លៀតឱកាស «លក់ខ្លួនលួចលាក់»ដោយប្រយោល។ ប៉ុន្តែក៏មានដែរផងដែរ នារីដែលលក់តែសេវាកម្ម និងសម្រស់ ហើយមិនលក់រាងកាយនោះ។
បុរសមួយចំនួនដែលចូលចិត្តដើរកម្សាន្តពេលរាត្រី តែងតែបបួលគ្នាចូលខារ៉ាអូខេ ក្រោយពីបានសប្បាយ នៅតាមហាងផឹកស៊ីខាងក្រៅរួច ព្រោះពួកគេគិតថាទីនោះគឺជា«ឋានសួគ៌»សម្រាប់ពួកគេ។
បុរសទាំងនោះអាចផឹកស៊ី ច្រៀងរាំយ៉ាងសប្បាយរីករាយ និងមាននារីៗស្រស់ស្អាត ស្លៀកពាក់សិចស៊ីនៅចាំបម្រើឆ្វេងស្តាំមិនឲ្យទាស់ចិត្តឡើយ។ មិនតែប៉ុណ្ណោះ បើចរចាត្រូវរូវគ្នា ពួកគេអាចនាំពួកនាងឡើងសណ្ឋាគារ ឬផ្ទះសំណាក់ទៀតផង។
ធ្លាប់ជាអ្នកដើរកម្សាន្តតាមហាងខារ៉ាអូខេញឹកញាប់ យុវជន មិនា បុគ្គលិកក្រុមហ៊ុនឯកជនមួយនៅទីក្រុងភ្នំពេញ បាននិយាយត្រង់ៗថា លោកធ្លាប់នាំនារីខារ៉ាអូខេឡើងសណ្ឋាគារមិនតិចនោះទេ តែនារីមួយចំនួនក៏បានបដិសេធដាច់អហង្ការផងដែរ ទោះបីលោកសន្យាឲ្យប្រាក់មួយចំនួនក៏ដោយ។
បុរស មិនា បានឲ្យដឹងពិការបដិសេធរបស់នាងៗទាំងនោះយ៉ាងដូច្នេះថា៖ «បើឲ្យធីបខ្ញុំហើយចង់គេងជាមួយខ្ញុំ លោកមិនបាច់ឲ្យក៏បានដែរ។ ខ្ញុំធ្វើការយកប្រាក់ខែ និងប្រាក់ធីប មិនលក់ខ្លួននោះទេ»។
ជាកូនអ្នកចំការមកពីខេត្តស្វាយរៀង មានសម្បុរស្រអែមបន្តិច តែមុខមាត់ស្រស់ស្អាតមិនចាញ់នារីនៅទីក្រុងនោះ កញ្ញា ស្រីអូន មកបម្រើការនៅហាងខារ៉ាអូខេនៅទីក្រុងភ្នំពេញបានជាងមួយឆ្នាំហើយ ។ ធ្វើជានារីខារ៉ាអូខេត្រូវផឹកស្រា ឬស្រាប៊ៀរៀងរាល់ថ្ងៃ ពេលខ្លះផឹកដល់សន្លប់ក៏មាន ហើយតែងទទួលរងនូវការបៀតបៀនផ្លូវភេទជាច្រើនផងដែរ។ ភ្ញៀវមួយចំនួនអោបថើប ស្ទាប អង្អែល និងលូកលាន់ផ្សេង។ ភ្ញៀវមួយចំនួនទៀតតែងចរចាបបួលនាងឡើងសណ្ឋាគារ ក្រោយពេលច្រៀងចប់ ។
ជានារីស្រស់ស្អាតម្នាក់ក្នុងចំណោមនារីខារ៉ាអូខេជាច្រើនផ្សេងទៀត ស្រីអូនបានឲ្យដឹងថា ភ្ញៀវតែងតែបបួលនាងឡើងសណ្ឋាគារញឹកញាប់ តែនាងតែងបានបដិសេធផងដែរ។ ស្រីអូន បានបន្ថែមទៀតថា នាងធ្លាប់និយាយខ្លាំងៗដាក់ភ្ញៀវម្តងថា៖«ខ្ញុំមកលក់សម្រស់ មិនមែនលក់ខ្លួនទេ មិនឲ្យលុយធីបខ្ញុំក៏មិនអីដែរ»។ ស្រីអូន បញ្ជាក់បន្ថែមថា ទោះបីនាងបានជ្រុលមាត់និយាយខ្លាំងៗបន្តិចមែន តែភ្ញៀវក៏មិនបានខឹង ហើយបានឲ្យលុយធីប ៣០ដុល្លារ ព្រមទាំងសើចហួសចិត្តហើយដើរចេញទៅ។
អ្នកស្រី អ៊ូ ទេពផល្លីន អនុប្រធានសហព័ន្ធ សហជីពកម្មករចំនីអាហារ និងសេវាកម្មកម្ពុជាក៏បានទទួលស្គាល់ផងដែរថា៖«មានមែន អ្នកដែលលក់ខ្លួនលួចលាក់ ប៉ុន្តែអ្នកមួយចំនួនទៀតមានគ្រួសារត្រឹមត្រូវ ហើយធ្វើការយកតែប្រាក់ខែ និងប្រាក់ធីប មិនលក់ខ្លួននោះទេ»។
អ្នកស្រីបានឲ្យដឹងទៀតថា បច្ចុប្បន្ននេះនារីបម្រើការនៅហាងខារ៉ាអូខេ នារីមេការ និងអ្នកចំរៀងតាមហាងកំសាន្តនានាកំពុងមានការកើនឡើងជាលំដាប់ ហើយកំណើននេះបណ្តាលមកពីកត្តាសំខាន់ៗ បីយ៉ាង៖
ទី១ ដោយសារពួកគេមានជីវភាពក្រីក្រ គ្មានលទ្ធភាពរៀនសូត្រឲ្យបានវែងឆ្ងាយ មានចំណេះដឹងទាប ដូច្នេះ ពួកគេត្រូវបង្ខំចិត្តធ្វើចំណាកស្រុកមកធ្វើការតាមហាងនានានៅទីក្រុងភ្នំពេញ។
ទី២ ដោយសារទីផ្សារការងារនៅមានភាពតូចចង្អៀតសម្រាប់អ្នកដែលមានចំណេះដឹងទាប។ ក្រៅពីការងាររោងចក្រ ពួកគេគ្មានជម្រើសអ្វីក្រៅពីទៅបម្រើសេវាកម្សាន្តនៅតាមហាងពេលរាត្រីនោះទេ។
ទី៣ ដោយសារអាជ្ញាធរបិទអាជីវកម្មរកស៊ីផ្លូវភេទ និងផ្ទះបន ដូច្នេះ នារីរកស៊ីលក់ខ្លួនមួយចំនួនត្រូវប្តូរទៅបម្រើសេវាកម្សាន្តតាមហាង ឬខារ៉ាអូខេជំនួសវិញ។
អ្នកស្រី អ៊ូ ទេពផល្លីន ក៏បានឲ្យដឹងផងដែរថា នារីដែលបម្រើសេវាកម្សាន្តតាមហាងពេលរាត្រីត្រូវប្រឈមនឹងបញ្ហាជាច្រើនដូចជា បញ្ហា សុខភាព បៀតបៀនផ្លូវភេទ អំពើហិង្សា និងការរើសអើងពីសំណាក់មហាជនទូទៅ។
មានមែននារីបម្រើសេវាកម្មកម្សាន្ត«លក់ខ្លួន»។ ប៉ុន្តែស្ត្រីខ្លះមិនលក់ខ្លួនដាច់ខាត លក់តែសម្រស់ និងសេវាកម្មប៉ុណ្ណោះ៕
បុរសមួយចំនួនដែលចូលចិត្តដើរកម្សាន្តពេលរាត្រី តែងតែបបួលគ្នាចូលខារ៉ាអូខេ ក្រោយពីបានសប្បាយ នៅតាមហាងផឹកស៊ីខាងក្រៅរួច ព្រោះពួកគេគិតថាទីនោះគឺជា«ឋានសួគ៌»សម្រាប់ពួកគេ។
បុរសទាំងនោះអាចផឹកស៊ី ច្រៀងរាំយ៉ាងសប្បាយរីករាយ និងមាននារីៗស្រស់ស្អាត ស្លៀកពាក់សិចស៊ីនៅចាំបម្រើឆ្វេងស្តាំមិនឲ្យទាស់ចិត្តឡើយ។ មិនតែប៉ុណ្ណោះ បើចរចាត្រូវរូវគ្នា ពួកគេអាចនាំពួកនាងឡើងសណ្ឋាគារ ឬផ្ទះសំណាក់ទៀតផង។
ធ្លាប់ជាអ្នកដើរកម្សាន្តតាមហាងខារ៉ាអូខេញឹកញាប់ យុវជន មិនា បុគ្គលិកក្រុមហ៊ុនឯកជនមួយនៅទីក្រុងភ្នំពេញ បាននិយាយត្រង់ៗថា លោកធ្លាប់នាំនារីខារ៉ាអូខេឡើងសណ្ឋាគារមិនតិចនោះទេ តែនារីមួយចំនួនក៏បានបដិសេធដាច់អហង្ការផងដែរ ទោះបីលោកសន្យាឲ្យប្រាក់មួយចំនួនក៏ដោយ។
បុរស មិនា បានឲ្យដឹងពិការបដិសេធរបស់នាងៗទាំងនោះយ៉ាងដូច្នេះថា៖ «បើឲ្យធីបខ្ញុំហើយចង់គេងជាមួយខ្ញុំ លោកមិនបាច់ឲ្យក៏បានដែរ។ ខ្ញុំធ្វើការយកប្រាក់ខែ និងប្រាក់ធីប មិនលក់ខ្លួននោះទេ»។
ជាកូនអ្នកចំការមកពីខេត្តស្វាយរៀង មានសម្បុរស្រអែមបន្តិច តែមុខមាត់ស្រស់ស្អាតមិនចាញ់នារីនៅទីក្រុងនោះ កញ្ញា ស្រីអូន មកបម្រើការនៅហាងខារ៉ាអូខេនៅទីក្រុងភ្នំពេញបានជាងមួយឆ្នាំហើយ ។ ធ្វើជានារីខារ៉ាអូខេត្រូវផឹកស្រា ឬស្រាប៊ៀរៀងរាល់ថ្ងៃ ពេលខ្លះផឹកដល់សន្លប់ក៏មាន ហើយតែងទទួលរងនូវការបៀតបៀនផ្លូវភេទជាច្រើនផងដែរ។ ភ្ញៀវមួយចំនួនអោបថើប ស្ទាប អង្អែល និងលូកលាន់ផ្សេង។ ភ្ញៀវមួយចំនួនទៀតតែងចរចាបបួលនាងឡើងសណ្ឋាគារ ក្រោយពេលច្រៀងចប់ ។
ជានារីស្រស់ស្អាតម្នាក់ក្នុងចំណោមនារីខារ៉ាអូខេជាច្រើនផ្សេងទៀត ស្រីអូនបានឲ្យដឹងថា ភ្ញៀវតែងតែបបួលនាងឡើងសណ្ឋាគារញឹកញាប់ តែនាងតែងបានបដិសេធផងដែរ។ ស្រីអូន បានបន្ថែមទៀតថា នាងធ្លាប់និយាយខ្លាំងៗដាក់ភ្ញៀវម្តងថា៖«ខ្ញុំមកលក់សម្រស់ មិនមែនលក់ខ្លួនទេ មិនឲ្យលុយធីបខ្ញុំក៏មិនអីដែរ»។ ស្រីអូន បញ្ជាក់បន្ថែមថា ទោះបីនាងបានជ្រុលមាត់និយាយខ្លាំងៗបន្តិចមែន តែភ្ញៀវក៏មិនបានខឹង ហើយបានឲ្យលុយធីប ៣០ដុល្លារ ព្រមទាំងសើចហួសចិត្តហើយដើរចេញទៅ។
អ្នកស្រី អ៊ូ ទេពផល្លីន អនុប្រធានសហព័ន្ធ សហជីពកម្មករចំនីអាហារ និងសេវាកម្មកម្ពុជាក៏បានទទួលស្គាល់ផងដែរថា៖«មានមែន អ្នកដែលលក់ខ្លួនលួចលាក់ ប៉ុន្តែអ្នកមួយចំនួនទៀតមានគ្រួសារត្រឹមត្រូវ ហើយធ្វើការយកតែប្រាក់ខែ និងប្រាក់ធីប មិនលក់ខ្លួននោះទេ»។
អ្នកស្រីបានឲ្យដឹងទៀតថា បច្ចុប្បន្ននេះនារីបម្រើការនៅហាងខារ៉ាអូខេ នារីមេការ និងអ្នកចំរៀងតាមហាងកំសាន្តនានាកំពុងមានការកើនឡើងជាលំដាប់ ហើយកំណើននេះបណ្តាលមកពីកត្តាសំខាន់ៗ បីយ៉ាង៖
ទី១ ដោយសារពួកគេមានជីវភាពក្រីក្រ គ្មានលទ្ធភាពរៀនសូត្រឲ្យបានវែងឆ្ងាយ មានចំណេះដឹងទាប ដូច្នេះ ពួកគេត្រូវបង្ខំចិត្តធ្វើចំណាកស្រុកមកធ្វើការតាមហាងនានានៅទីក្រុងភ្នំពេញ។
ទី២ ដោយសារទីផ្សារការងារនៅមានភាពតូចចង្អៀតសម្រាប់អ្នកដែលមានចំណេះដឹងទាប។ ក្រៅពីការងាររោងចក្រ ពួកគេគ្មានជម្រើសអ្វីក្រៅពីទៅបម្រើសេវាកម្សាន្តនៅតាមហាងពេលរាត្រីនោះទេ។
ទី៣ ដោយសារអាជ្ញាធរបិទអាជីវកម្មរកស៊ីផ្លូវភេទ និងផ្ទះបន ដូច្នេះ នារីរកស៊ីលក់ខ្លួនមួយចំនួនត្រូវប្តូរទៅបម្រើសេវាកម្សាន្តតាមហាង ឬខារ៉ាអូខេជំនួសវិញ។
អ្នកស្រី អ៊ូ ទេពផល្លីន ក៏បានឲ្យដឹងផងដែរថា នារីដែលបម្រើសេវាកម្សាន្តតាមហាងពេលរាត្រីត្រូវប្រឈមនឹងបញ្ហាជាច្រើនដូចជា បញ្ហា សុខភាព បៀតបៀនផ្លូវភេទ អំពើហិង្សា និងការរើសអើងពីសំណាក់មហាជនទូទៅ។
មានមែននារីបម្រើសេវាកម្មកម្សាន្ត«លក់ខ្លួន»។ ប៉ុន្តែស្ត្រីខ្លះមិនលក់ខ្លួនដាច់ខាត លក់តែសម្រស់ និងសេវាកម្មប៉ុណ្ណោះ៕
© រក្សាសិទ្ធិដោយ thmeythmey.com
