ជាតិ
ខែកញ្ញា ឆ្នាំ២០២០ កុមារ និងស្ត្រីជាង ៧ម៉ឺននាក់ បានទៅពិនិត្យ និងព្យាបាលនៅគន្ធបុប្ផា រូបភាពពី ហ្វេសប៊ុកមូលនិធិគន្ធបុប្ផា
× ក្នុងខែកញ្ញា ឆ្នាំ២០២០នេះ កុមារ និងស្ត្រីមានផ្ទៃពោះជាង៧ម៉ឺននាក់ បានទៅពិនិត្យព្យាបាលជំងឺ និងសម្រាលកូននៅមន្ទីរពេទ្យគន្ធបុប្ផារាជធានីភ្នំពេញ និងខេត្តសៀមរាប។ នេះបើតាមតួលេខរបស់មន្ទីរពេទ្យគន្ធបុប្ផា។
តួលេខរបស់មន្ទីរពេទ្យគន្ធបុប្ផា បានបង្ហាញថា កុមារឈឺ ចំនួន ៤៧,០៧៥នាក់ ត្រូវបានព្យាបាល នៅផ្នែកពិគ្រោះជំងឺក្រៅ។
រីឯ កុមារមានជំងឺធ្ងន់ៗ ចំនួន ១១,០២៧នាក់ កុមារមានជំងឺគ្រុនឈាមធ្ងន់ធ្ងរ ចំនួន ៦៨៩នាក់ និងកុមារមានជំងឺគ្រុនឈីក ចំនួន៤៤៥នាក់ ត្រូវសម្រាកព្យាបាលក្នុងមន្ទីរពេទ្យ។ បើតាមលិខិតដដែល កុមារចំនួន ២,២៦៣នាក់ ត្រូវបានទទួលការវះកាត់ និងកុមារចំនួន៨៦នាក់ បានវះកាត់បេះដូង និងភ្ជិតប្រហោងបេះដូងតាមសរសៃឈាម។
ស្ត្រីមានផ្ទៃពោះចំនួន ១១,៤៧៦នាក់ បានមកពិនិត្យតាមដានផ្ទៃពោះ និងសម្រាលកូនមានចំនួន ២,២៤១នាក់។ គួរជម្រាបថា រាល់ការព្យាបាលទាំងអស់នៅមន្ទីរពេទ្យគន្ធបុប្ផា ទាំងនៅភ្នំពេញ និងសៀមរាបគឺឥតគិតថ្លៃ៕
Tag:
មន្ទីរពេទ្យ
គន្ធបុប្ផា
សុខភាព
© រក្សាសិទ្ធិដោយ thmeythmey.com