Arteta អ្នកចាត់ការទូទៅក្រុមរហស្សនាមកាំភ្លើងធំបានចំណាយពេល ៣ រដូវកាលក្នុងការធ្វើជាជំនួយការលោក Guardiola ក្នុងក្រុមមេឃខៀវ មុនចាកចេញកាលពីខែធ្នូ ឆ្នាំ២០១៩។
 

ចាប់តាំងពីបែកគ្នាធ្វើការរៀងខ្លួនមកក្រុមទាំងពីរបានជួបគ្នា ២ លើកមកហើយ ដោយ Arsenal បានយកឈ្នះ Man City ទាំងពីរលើក ក្នុងនោះឈ្នះ ៣-០ ក្របខណ្ឌ Premier League និងឈ្នះ ២-០ ក្នុងវគ្គពាក់កណ្តាលផ្តាច់ព្រ័ត្រ FA Cup រដូវកាលមុន។
 

មុនឡើងដល់វគ្គនេះ Arsenal បានទម្លាក់ Liverpool ដោយបាល់ប៉េណាល់ទី ៤-៣ ក្នុងការប្រកួតវគ្គ១៦ក្រុមចុងក្រោយ ខណៈ Man City បានបំបាក់ Burnley ៣-០។ ការប្រកួតវគ្គ១/៤ផ្តាច់ព្រ័ត្រ EFL Cup រដូវកាល ២០២០-២១ នឹងចាប់ផ្តើមនៅថ្ងៃទី២៣ ខែវិច្ឆិកា៕