រថយន្ត MERCURY ផលិតឆ្នាំ១៩៧៨ ត្រូវឆ្លងកាត់ការសម្អាតរាល់ថ្ងៃ ដើម្បរក្សាសភាពដើម

ជាតិ

រថយន្ត

05, Oct 2020 , 8:40 pm

រូបភាព

ភ្នំពេញ៖ យានដ្ឋាន Electric Motors Club កំពុងដាក់លក់ឡានបុរាណដ៏កម្រមានណាស់ក្នុងប្រទេស។ ក្នុងនោះមានរថយន្ដម៉ាក MERCURY ប្រភេទ Marquis ម៉ូឌែល Brougham ផលិតឆ្នាំ១៩៧៨។ MERCURY បានផលិតរថយន្ដចំនួនតិចដែរ ព្រោះតម្លៃថ្លៃ ហើយមិននាំចេញទៅក្រៅទ្វីបអាមេរិកទេ។ រថយន្តដែលយានដ្ឋាន EMC ដាក់លក់នេះ ប្រហែលជាម៉ាក MERCURY តែមួយគត់នៅកម្ពុជា។ តាមអ្នកគ្រប់គ្រងបណ្តាញសង្គមរបស់យានដ្ឋាន EMC អះអាងថា រថយន្តមួយគ្រឿងនេះ ជារថយន្តដែលធ្លាប់តាំងនៅសារមន្ទីរ ហើយវាត្រូវបានថែទាំ និងសម្អាត រៀងរាល់ថ្ងៃ។ ជាលទ្ធផលវា នៅតែរក្សាបានសភាពដើមយ៉ាងល្អ ទាំងថ្នាំពណ៌រថយន្ត និងសោភណភាព និងការដំណើរការផងដែរ។

ដើម្បីជ្រាបបន្ថែម សូមអញ្ជើញតាមដានកិច្ចសម្ភាស រវាង នាយ យ៉ាន នៃសារព័ត៌មានថ្មីៗ និងលោក ស្រៀង អភិរក្ស តំណាងយានដ្ឋាន EMC ខាងក្រោមនេះ៖

រថយន្ដ MERCURY Marquis ត្រូវបានផលិតពីឆ្នាំ១៩៦៧ រហូតដល់ឆ្នាំ១៩៨៦ នៅសហរដ្ឋអាមេរិក និងប្រទេសកាណាដា។ MERCURY Marquis ពីឆ្នាំ១៩៦៩ ដល់ឆ្នាំ១៩៧៨ មានទំហំធំណាស់ ពោលគឺមានទម្ងន់ជាង២តោន និងមានទទឹង២ម៉ែត្រ បណ្ដោយប្រវែងជិត៦ម៉ែត្រ។ រថយន្ដ MERCURY Marquis របស់យានដ្ឋាន EMC ជាសេរ៊ីចុងក្រោយ ដែលបំពាក់ម៉ាស៊ីន Lincoln 460 V8។

MERCURY គឺជាម៉ាករថយន្ដអាមេរិកាំង ដែលត្រូវបានបង្កើតឆ្នាំ១៩៣៩ ដោយលោក FORD Edsel។ លោក Edsel ជាកូនតែមួយរបស់ លោក FORD Henry ដែលជាស្ថាបនិកក្រុមហ៊ុន FORD។ ម៉ាក FORD (ស្តង់ដារគុណភាពលេខ៣) MERCURY (ស្តង់ដារគុណភាពលេខ២) និង LINCOLN (ស្តង់ដារគុណភាព លេខ១) ជាកម្មសិទ្ធិរបស់ក្រុម FORD។ ដោយឡែក ម៉ាក MERCURY ត្រូវបានរំលាយ នៅឆ្នាំ២០១១។ រយៈពេល ជាង៧០ឆ្នាំ MERCURY ប្រមាណ ២១លានគ្រឿងត្រូវបានផលិតឡើង៕