«ទឹកធ្លាក់ លែងអង លែងឃិន» ពួនសម្រស់ក្នុងព្រៃជ្រៅក្នុងខេត្តមណ្ឌលគិរី

ជាតិ

«ទឹកធ្លាក់ លែងអង លែងឃិន» ពួនសម្រស់ក្នុងព្រៃជ្រៅក្នុងខេត្តមណ្ឌលគិរី

09, Oct 2020 , 11:59 pm

រូបភាព

ដោយ:

មណ្ឌលគិរី៖ «ទឹកធ្លាក់លែងអង លែងឃិន» ទីទេសចរណ៏ធម្មជាតិគួរឲ្យទាក់ទាញ ស្ថិតនៅក្នុងភូមិពូហ្សាម ឃុំសែនមនោរម្យ ស្រុកអូរាំង និងមានចម្ងាយ ២៦គីឡូម៉ែត្រពីទីក្រុងសែនមនោរម្យ។ «ទឹកធ្លាក់លែងអង លែងឃិន» មានទឹកធ្លាក់បីកន្លែងសម្រាប់ភ្ញៀវទេសចរតៅលេងកម្សាន្ត។ ទឹកធ្លាក់ទី១ គឺទឹកធ្លាក់លែងអង ទី២ ទឹកធ្លាក់លែងឃិន និងទី៣ទឹកធ្លាក់លែងរីត។

សូមអញ្ជើញទស្សនាវីដេអូបទសម្ភាសរវាងលោក ប៉ាន់ បូនី អ្នកសារព័ត៌មានថ្មីៗ២៥ និងលោក តែប ខ្វឺត ប្រធានសហគមន៍ពូហ្ស៊ាមដូចតទៅនេះ៖

លោក តែប ខ្វឺត ជាប្រធានសហគមន៍ពូហ្ស៊ាម បានរៀបរាប់ថា ទឹកធ្លាក់លែងមានធម្មជាតិដ៏ស្រស់ស្អាតនិងអាចបរិភោគនូវអាហារជនជាតិដើមភាគតិចយ៉ាងឆ្ងាញ់ផងដែរ។ ភ្ញៀវទេសចរ ដែលមកទស្សនានៅទីនេះ អាចចំណាយប្រមាណ១ពាន់រៀល និងភ្ញៀវអន្តជាតិចំណាយ៥ពាន់រៀលតែប៉ុណ្ណោះ។ បច្ចុប្បន្ន តំបន់ទេសចរណ៍នេះ មិនមានភ្ញៀវទេសចរអន្តជាតិមកទស្សនាទេ មានតែភ្ញៀវជាតិប៉ុណ្ណោះ។

លោក តែប ខ្វឺត បានបន្តទៀតថា ក្រៅពីទស្សនាទឹកធ្លាក់ធម្មជាតិស្រស់ស្អាត ភ្ញៀវទេសចរអាចថតរូបជាមួយវាលស្មៅ ដែលទេសភាពស្រស់ស្អាតថែមទៀតផង។ តំបន់វាលស្មៅនេះ មាន៣ពណ៌រួមមាន ពណ៌បៃតង, ពណ៌មាស និងពណ៌ខ្មៅ ដែលប្រែពណ៌ទៅតាមរដូវកាល៕