ជាតិ
ព្រៃឈើ ដែនជម្រកសត្វព្រៃសត្វព្រៃតាតៃ ក្នុងខេត្តកោះកុង។ រូបថត៖ លោក នេត្រ ភក្តា្រ រដ្ឋលេខាធិការក្រសួងបរិស្ថាន។
×![]()
ភ្នំពេញ៖ ក្នុងរយៈពេល៩ខែ ឆ្នាំ២០២០ ក្រសួងកសិកម្ម ទទួលចំណូលបានជាង១.៣ លានដុល្លារពីវិស័យព្រៃឈើ។ នេះបើតាមរបាយការណ៍ប្រចាំនព្វមាស របស់ក្រសួងកសិកម្ម រុក្ខាប្រមាញ់ និងនេសាទ ដែលចេញផ្សាយនៅថ្ងៃ ទី៩ ខែតុលា ឆ្នាំ២០២០។
តាមរបាយការណ៍ដដែល ចំណូលទាំងអស់នោះ គឺបានពីថ្លៃសួយសារព្រៃឈើ ដែលមានចំណូលជាប្រាក់រៀល គឺ ១២,៨២៥,០១៥,៨៩៨ រៀល និងចំណូលជាប្រាក់ដុល្លារចំនួន ១,២៩៧,៤៩១ដុល្លារ។ សរុបចំណូលគឺជាង១.៣លានដុល្លារ។
ក្រៅពីចំណូលព្រៃឈើ របាយការណ៍ដដែល ក៏បានបង្ហាញពីកិច្ចការងារពាក់ព័ន្ធនឹងព្រៃឈើដែលក្រសួងកសិកម្មសម្រេចបាន នៅក្នុងរយៈដូចគ្នានេះដែរ។ កិច្ចការទាំងនោះ រួមមានការផ្ដល់ទិដ្ឋាការ អាជ្ញាបណ្ណនាំចេញឈើរបស់ក្រុមហ៊ុន ចំនួន១២ ដែលមានបរិមាណឈើអាកាស្យាកាត់ជាកង់ៗ ១,៥០០ស្ទែរ កម្ចេចឈើ៤,០០០តោន ធ្យូងអាកាស្យាចំនួន ៤១តោន ឫស្សីកែច្នៃ ចំនួន៤២តោន និងជីទឹកចំនួន២៤៨តោន។ នេះបើតាមរបាយការណ៍ ដែលបានបន្តថា ក្រសួង កសិកម្ម ក៏បានផ្ដល់អាជ្ញាបណ្ណឱ្យក្រុមហ៊ុនចំនួន៥ មានបរិមាណឈើកែច្នៃ ចំនួន ២,២៤៥ម៉ែត្រគូប ផងដែរ៕
Tag:
ព្រៃឈើ
ចំណូល
© រក្សាសិទ្ធិដោយ thmeythmey.com
