ជាតិ
ពលរដ្ឋតាមបណ្តាសង្កាត់ជាច្រើនក្នុងខណ្ឌដង្កោ បន្តជម្លៀសខ្លួនទៅកាន់ទីទួលសុវត្ថិភាព
×![]()
ដោយ៖ ជា យូគៀង
ប្រជាពលរដ្ឋដែលរស់នៅម្តុំទល់មុខបុរីពិភពថ្មីទី២ ក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ កំពុងជម្លៀសខ្លួនទៅកាន់ទីទួលសុវត្ថិភាព នាព្រឹកថ្ងៃទី១៥តុលា ឆ្នាំ២០២០។ ពលរដ្ឋក្មេង-ចាស់ ប្រុស-ស្រី ដែលបង្ខំចិត្តចាកចេញពីលំនៅស្ថានរបស់ខ្លួន ទៅកាន់ទីទួលសុវត្ថិភាពនេះ គឺដោយសារតែរងគ្រោះខ្លាំងពីទឹកជំនន់ស្ទឹងព្រែកត្នោត ដែលបន្តឡើងខ្ពស់ជាលំដាប់។
ស្ថានភាពទឹកជំនន់ស្ទឹងព្រែកត្នោតនៅតែបន្តហក់ឡើងក្នុងកម្រិតប្រកាសអាសន្នដដែល ដែលធ្វើឱ្យខេត្តមួយចំនួន និងរាជធានីភ្នំពេញ ប្រឈមនឹងការលិចលង់ជាខ្លាំង។ ជាពិសេសនៅតាមបណ្តាសង្កាត់នានា ក្នុងខណ្ឌដង្កោតែម្តង។ ទឹកជំនន់ដែលមានប្រភពមកពីស្ទឹងព្រែកត្នោត បានបន្តហូរកាត់ផ្លូវ និងចូលក្នុងផ្ទះពលរដ្ឋជាច្រើន ដោយក្រៅពីមានពលរដ្ឋនៅរស់ក្នុងសង្កាត់ព្រែកកំពឹស ក៏នៅមានពលរដ្ឋនៅសង្កាត់យ៉ាងហោចណាស់ចំនួន៤ទៀតក្នុងខណ្ឌដង្កោនេះ ត្រូវបានជម្លៀសខ្លួនទៅកាន់ទីទួលសុវត្ថិភាពកាលពីយប់មិញ៕
ខាងក្រោមនេះជាទិដ្ឋភាពដែលពលរដ្ឋរស់នៅក្នុងសង្កាត់ព្រែកកំពឹស ខណ្ឌដង្កោ ជម្លៀសខ្លួនទៅទីទួលសុវត្ថិភាព។ ថតដោយ លោក ជា យូគៀង នៃសារព័ត៌មានថ្មីៗ៖
Tag:
ទឹកជំនន់
ស្ទឹងព្រែកត្នោត
© រក្សាសិទ្ធិដោយ thmeythmey.com
