ទឹកទន្លេមេគង្គខាងលើនឹងបន្តហក់ឡើង ប៉ុន្តែមិនទាន់ដល់កម្រិតប្រកាសអាសន្ន

ជាតិ

ទឹកទន្លេមេគង្គខាងលើនឹងបន្តហក់ឡើង ប៉ុន្តែមិនទាន់ដល់កម្រិតប្រកាសអាសន្ន

21, Oct 2020 , 8:59 am

រូបភាព

ដោយ: សារព័ត៌មានថ្មីៗ

ក្រសួងធនធានទឹក និងឧតុនិយម បានបញ្ជាក់ក្នុងសេចក្តីប្រកាសព័ត៌មាននាថ្ងៃទី២០ ខែតុលា នេះថា ឥទ្ធិពលនៃប្រព័ន្ធសម្ពាធទាប (ITCZ) ភ្ជាប់នឹងវិសម្ពាធ បានធ្វើឲ្យមានភ្លៀងធ្លាក់ច្រើននៅអាងទន្លេមេគង្គក្នុងប្រទេសឡាវ និងតំបន់ភាគឦសានប្រទេសកម្ពុជា។

ស្ថានភាពបែបនេះ នឹងធ្វើឲ្យទឹកទន្លេមេគង្គកើនឡើងជាលំដាប់ ដោយនៅថ្ងៃទី២៤ ខែតុលា ស្ថានីយជលសាស្ត្រ មេគង្គស្ទឹងត្រែង អាចឡើងដល់កម្រិត៩.៥០ម៉ែត្រ។ នៅថ្ងៃទី២៥ ខែតុលា ទឹកអាចឡើងដល់កម្រិត២០ម៉ែត្រនៅស្ថានីយជលសាស្ត្រមេគង្គ-ក្រចេះ ហើយនាថ្ងៃទី២៦ ខែកក្កដា កម្ពស់ទឹកអាចដល់១៤.១០ម៉ែត្រនៅស្ថានីយមេគង្គ-កំពង់ចាម។

ទោះបីជាយ៉ាងណាក៏ដោយ ក្រសួងបានបញ្ជាក់ថា ការហក់ឡើងនៃទឹកទន្លេមេគង្គខាងលើ នៅមានសភាពទាបជាងកម្រិតខ្ពស់ប្រកាសអាសន្នឲ្យមានការប្រុងប្រយ័ត្ននៅឡើយ ប៉ុន្តែក្រសួងនៅតែអំពាវនាវឲ្យពលរដ្ឋបន្តប្រុងប្រយ័ត្នដើម្បីចៀសវាងនូវគ្រោះថ្នាក់ផ្សេងៗជាយថាហេតុ៕