ចិន បន្តហាមឃាត់ការធ្វើដំណើរកម្សាន្តទៅបរទេសព្រោះនៅតែបារម្ភពី COVID-19

COVID-19

អន្តរជាតិ

ចិន បន្តហាមឃាត់ការធ្វើដំណើរកម្សាន្តទៅបរទេសព្រោះនៅតែបារម្ភពី COVID-19

23, Oct 2020 , 8:29 am

រូបភាព

រូបភាព Xinhua

ដោយ៖កង ម៉េងហុង

ក្រសួងវប្បធម៌និងទេសចរណ៍របស់ចិន នៅថ្ងៃទី ២១ ខែតុលា ប្រកាសថា ចិននឹងបន្តផ្អាកការធ្វើដំណើរទេសចរណ៍ទៅក្រៅប្រទេស។ ការសម្រេចចិត្តនេះ ធ្វើឡើងដោយបារម្ភពីការចម្លងជំងឺ COVID-19 ។

ក្នុងសេចក្ដីជូនដំណឹងដែលបង្ហោះលើវេបសាយក្រសួងវប្បធម៌ និងទេសចរណ៍ ចិននឹងបន្តហាមឃាត់ការធ្វើដំណើរទេសចរណ៍ទៅក្រៅប្រទេសជាក្រុម និងហាមឃាត់ទីភ្នាក់ងារទេសចរណ៍ក្នុងស្រុករៀបចំដំណើរកម្សាន្តក្នុងទឹកដីចិន ស្របពេលរដូវរងារកៀកខិតមកដល់។ ចិនបារម្ភថា ការអនុញ្ញាតឲ្យប្រជាជនទៅកម្សាន្តនៅបរទេសនៅរដូវកាលនេះ អាចជាកត្តាប្រឈមសម្រាប់ការគ្រប់គ្រងជំងឺឆ្លង COVID-19 ។

ចិនបានផ្អាកដំណើរទេសចរណ៍ក្នុងស្រុកនិងក្រៅប្រទេសជាលើកដំបូងនៅក្នុងខែមករាជា ដែលជាផ្នែកមួយនៃវិធានការតឹងរ៉ឹង ដើម្បីទប់ស្កាត់ការរីករាលដាលជំងឺផ្លូវដង្ហើមដែលបានលេចចេញជាលើកដំបូងនៅទីក្រុងWuhan។ ការដាក់បំរាមលើដំណើរកម្សាន្តជាក្រុមទៅក្រៅប្រទេសបានជះឥទ្ធិពលយ៉ាងខ្លាំងដល់ឧស្សាហកម្មទេសចរណ៍របស់ប្រទេសជាច្រើនដូចជា ថៃដែលជាប្រទេសដែលបានពឹងផ្អែកយ៉ាងខ្លាំងលើភ្ញៀវទេសចរចិនក្នុងរយៈពេលប៉ុន្មានឆ្នាំកន្លងមកនេះ។

នៅខែកក្កដា ចិនបានអនុញ្ញាតឱ្យមានដំណើរទេសចរណ៍ក្នុងស្រុកចាប់ផ្តើមឡើងវិញ ចំពេលមានការធ្លាក់ចុះយ៉ាងខ្លាំងនៃចំនួនករណីឆ្លងថ្មី។

គិតត្រឹមថ្ងៃទី២១ ខែតុលា ចិនមានករណីឆ្លង COVID-19 ចំនួន៨៥,៧២៩ករណី ខណៈចំនួនអ្នកស្លាប់មានចំនួន ៤,៦៣៤ នាក់៕