ជាតិ
កម្រិតទឹកស្ទឹងព្រែកត្នោត នៅសំណង់ទឹកទំនប់៧មករា បន្តស្រកចុះ
×
ដោយ៖ ស៊ុល រ៉វី
ស្ថានភាពទឹកស្ទឹងព្រែកត្នោត នៅសំណង់ទា្វរទឹកទំនប់អាង៧មករា និងកម្ពស់ទឹកខាងមុខទ្វារ បន្តស្រកចុះ ១,៨៧ម៉ែត្រ ធៀបនឹងកម្ពស់ទឹកអតិបរិមា ៦,៦៧ម៉ែត្រ កាលពីថ្ងៃទី១៤ ខែតុលា។ នេះបើតាមការចេញផ្សាយរបស់ក្រសួងធនធានទឹក និងឧតុនិយម នាថ្ងៃទី២៧ ខែតុលា។
ក្រសួងធនធានទឹក និងឧតុនិយម បានបញ្ជាក់ថា កម្ពស់ទឹកហូរលើទំនប់បង្ហៀរ ០,០០ម៉ែត្រ និងកម្ពស់ទឹកខាងក្រោយទ្វារ ៥,៦០ម៉ែត្រ សម្រាប់ព្រឹកថ្ងៃទី២៧ តុលានេះ កម្ពស់ទឹកស្ទឹងព្រែកត្នោតនៅបន្តស្រកចុះ ០,១០ម៉ែត្របន្ថែមទៀត ។
គួរបញ្ជាក់ផងដែរថា ជំនន់ទឹកព្រែកត្នោត បានធ្វើឲ្យខេត្តមួយចំនួន និងសង្កាត់ជាច្រើន ក្នុងខណ្ឌដង្កោ រាជធានីភ្នំពេញ ទទួលរងការជន់លិច ហើយមកទល់ពេលនេះ ទឹកនៅទីតាំងខ្លះ បានស្រកចុះ និងខ្លះក៏នៅតែបន្តជន់លិចនៅឡើយ៕
© រក្សាសិទ្ធិដោយ thmeythmey.com