ក្នុងរបាយការណ៍ក៏បានលម្អិតថា ភ្ញៀវទេសចរជាតិចំនួន ៩ម៉ឺននាក់ មានអ្នកដើរកម្សាន្តនៅតំបន់អង្គរចំនួន ៤ម៉ឺន៨ពាន់នាក់។ ចំណែកទេសចរ ៤ម៉ឺន២ពាន់នាក់ផ្សេងទៀត បានដើរកម្សាន្តនៅឧទ្យានជាតិភ្នំគូលែន សហគមន៍ព្រៃទឹកជប់ខ្នារពោធិ៍ សហគមន៍ត្រាវកុដិ សហគមន៍បឹងឈូកបន្ទាយស្រី និងរមណីយដ្ឋានភូមិវប្បធម៌ជាដើម។

 

ដោយឡែកភ្ញៀវទេសចរអន្តរជាតិ មានប្រមាណ ១ពាន់នាក់ប៉ុណ្ណោះ ពោលគឺមានការថយចុះរហូតដល់ជាង៩០ភាគរយ បើធៀបជាមួយរយៈពេលដូចគ្នានៃពិធីបុណ្យអុំទូកកាលពីឆ្នាំ២០១៩ ដែលមានទេសចរអន្តរជាតិប្រមាណ ១ម៉ឺន១ពាន់នាក់។ នេះបើតាមរបាយការណ៍ដដែល។

 

បើតាមការវាយតម្លៃបឋមរបស់ក្រសួងទេសចរណ៍ក្នុងទំព័រហ្វេសប៊ុកក្រសួងទេសចរណ៍ ការមិនប្រារព្ធពិធីបុណ្យអុំទូកនៅរាជធានីភ្នំពេញ ធ្វើឲ្យមានលំហូរទេសចរទៅកាន់បណ្ដាខេត្តនានា ជាពិសេសខេត្តសៀមរាបដែលជាគោលដៅទេសចរណ៍សំខាន់មួយ ដែលទទួលបានទេសចរលើសខេត្តផ្សេងៗទៀត៕