គិតត្រឹមព្រឹកថ្ងៃទី៣ ខែវិច្ឆិកា នេះ ករណីឆ្លងកូវីដ-១៩ ឡើងដល់ឃាង៤៧.៣១លានករណី ដែលក្នុងនោះតួលេខអ្នកស្លាប់ឡើងដល់ជាង១.២លាននាក់ រីឯអ្នកជាសះស្បើយ មានជាង៣៤លាននាក់។
ចក្រភពអង់គ្លេស ក្លាយជាប្រទេសទៅ៩ ដែលមានករណីឆ្លងលើសពី១លាន បន្ទាប់ពីសហរដ្ឋអាមេរិក (ជាង៩.៥លាន), ឥណ្ឌា (ជាង៨.២លាន), ប្រេស៊ីល (ជាង៥.៥លាន), រុស្ស៊ី (ជាង១.៦លាន), បារាំង (ជាង១.៤លាន), អេស្ប៉ាញ (ជាង១.៣លាន), អាហ្សង់ទីន (ជាង១.១លាន) និងកូឡុំប៊ី (ជាង១.០៩លាន)។
ខណៈចក្រភពអង់គ្លេស ឡើងដល់ជាង១.០៥លានករណី ម៉ិកស៊ិក និងប៉េរូ មានជាង៩០ម៉ឺនករណីរៀងៗខ្លួន ដែលតាមពីក្រោយដោយអ៊ីតាលី និងអាហ្វ្រិកខាងត្បូង (ជាង៧០ម៉ឺនករណី) បន្ទាប់មក អ៊ីរ៉ង់ (ជាង៦០ម៉ឺនករណី) ខណៈអាល្លឺម៉ង់ និងស៊ីលី ជាង៥០ម៉ឺនករណីដូចគ្នា។
សម្រាប់តួលេខស្លាប់ប្រទេសបីដែលមានចំនួនលើសពី១០ម៉ឺននាក់ ក្នុងនោះ សហរដ្ឋអាមេរិក ជាង២៣ម៉ឺននាក់, ប្រេស៊ីល ជាង១៦ម៉ឺននាក់ និងឥណ្ឌាជាង១២ម៉ឺននាក់។ បើតាមទិន្នន័យ Worldometers ១៩ប្រទេសផ្សេងទៀត មានករណីស្លាប់ចន្លោះពីជាង១ម៉ឺននាក់ ទៅ៩ម៉ឺននាក់។
នៅអាស៊ីអាគ្នេយ៍ ឥណ្ឌូណេស៊ី មានជាង៤១ម៉ឺនករណី (ស្លាប់ជាង១៤០០០), ហ្វីលីពីន ជាង៣៨ម៉ឺនករណី (ស្លាប់ជាង៧២០០), សិង្ហបុរី ជាង៥៨០០០ករណី (ស្លាប់២៨), មីយ៉ាន់ម៉ា ជាង៥៤០០០ករណី (ស្លាប់១២៨២), ម៉ាឡេស៊ី ជាង៣៣០០០ករណី (ស្លាប់២៥១)។
ថៃ មាន៣៧៨៧ករណី (ស្លាប់៥៩), វៀតណាម មាន១១៩២ករណី (ស្លាប់៣៥), កម្ពុជា មាន២៩២ករណី ព្រុយណេ មាន១៤៨ករណី (ស្លាប់៣) ទីម័រខាងកើតមាន៣០ករណី និងឡាវ មាន២៤ករណី ដោយករណីភាគច្រើនបានជាសះស្បើយ៕