ជាតិ
មហោស្រពភាពយន្តជប៉ុនឆ្នាំ២០២០ មាន១៣រឿង ឆ្លុះបញ្ចាំងពី សង្គម វប្បធម៌ និងជីវភាពប្រជាជនជប៉ុន
×![]()
ដោយ: ប៉ូ សាគុន
ភ្នំពេញ៖ មហោស្រពភាពយន្តជប៉ុនប្រចាំឆ្នាំ២០២០ ត្រូវបានសម្រិតសម្រាំងភាពយន្តជាច្រើនប្រភេទសម្រាប់ចាក់បញ្ចាំង ដែលរួមមានភាពយន្តបែបមនោសញ្ចេតនា ស៊ើបអង្កេត គំនូរជីវចល វាយប្រហារ និងកំប្លែងជាដើម។ ភាពយន្តទាំងនេះ ឆ្លុះបញ្ចាំងពីជីវភាពរស់នៅរបស់ប្រជាជន សង្គម និងវប្បធម៌ជប៉ុន ហើយមហោស្រពនេះ ក៏ផ្ដល់ឱកាសដ៏ល្អសម្រាប់អ្នកទស្សនា អាចស្គាល់ប្រទេសនិងប្រជាជនជប៉ុនផងដែរ។
មូលនិធិជប៉ុន រួមសហការជាមួយស្ថានទូតជប៉ុន ក្រសួងវប្បធម៌ និងវិចិត្រសិល្បៈ និងមជ្ឈមណ្ឌលសហប្រតិបត្តិការកម្ពុជា-ជប៉ុន នឹងរៀបចំមហោស្រពភាពយន្តជប៉ុនប្រចាំឆ្នាំ២០២០ ចាប់ពីថ្ងៃទី៦ដល់ថ្ងៃទី៩ និងថ្ងៃទី១៤-១៥ខែវិច្ឆិកា ឆ្នាំ ២០២០ នៅរាជធានីភ្នំពេញ (ក្នុងរោងភាពយន្ត Major Cineplex ក្នុងផ្សារទំនើបអ៊ីអន២ និងរោងភាពយន្ត Legend សួនអេដែន)។
ភាពយន្តជប៉ុនទាំង១៣រឿង នឹងត្រូវចាក់បញ្ចាំង ដោយមានចំណងជើងរងជាភាសាខ្មែរ និងភាសាអង់គ្លេស (សម្រាប់រឿងគំនូរជីវចលមានការបញ្ចូលសំឡេងជាភាសាខ្មែរ)។ ការចូលរូមដោយសេរី និងដោយឥតគិតថ្លៃ។
មហោស្រពភាពយន្តជប៉ុនបានប្រារព្ធឡើងជារៀងរាល់ឆ្នាំ ចាប់តាំងពីឆ្នាំ២០១៥ ដើម្បីជំរុញការផ្លាស់ប្ដូរវប្បធម៌រវាងជប៉ុននិងកម្ពុជា។
សម្រាប់តារាងកាលបរិច្ឆេទ នៃការចាក់បញ្ចាំង មានផ្សព្វផ្សាយនៅលើទំព័រហ្វេសប៊ុកមហោស្រពភាពយន្តជប៉ុន៖ ( https://www.fb.com/3669525819736535/ )។
Tag:
ជប៉ុន
ភាពយន្ត
មហោស្រព
សង្គម
វប្បធម៌
ប្រជាជន
© រក្សាសិទ្ធិដោយ thmeythmey.com
