ជាតិ
ក្រុមប្រឹក្សាវិស្វកម្មឥណ្ឌា នឹងរៀបចំពិព័រណ៍ពាណិជ្ជកម្មកសិកម្មរយៈពេល៤ថ្ងៃ រូបភាពពីក្រសួងពាណិជ្ជកម្ម
× ភ្នំពេញ៖ ចាប់ពីថ្ងៃទី២៤ ដល់ថ្ងៃទី២៧ ខែវិច្ឆិកា ឆ្នាំ២០២០ ក្រុមប្រឹក្សាជំរុញការនាំចេញវិស្វកម្មឥណ្ឌា (EFPC) នឹងរៀបចំពិព័រណ៍ពាណិជ្ជកម្មកសិកម្ម «FARMMECH 2020» តាមរយះប្រព័ន្ធអេឡិចត្រូនិក។ នេះបើតាមសេចក្ដីជូនដំណឹងរបស់ក្រសួងពាណិជ្ជកម្ម នៅថ្ងៃទី៣ វិច្ឆិកា។
ក្នុងសេចក្ដីជូនដំណឹងដដែល ក្រសួងបានបញ្ជាក់ថា កម្មវិធីពិព័រណ៍ពាណិជ្ជកម្មកសិកម្មនេះ ធ្វើឡើងមានលក្ខណៈសំខាន់់មួយចំនួនដូចជា បង្ហាញពីឧបករណ៍ធ្វើដោយដៃ ( Manually operated equipment) ម៉ាស៊ីនសម្រាប់ការប្រើប្រាស់កសិកម្មទូទៅ (Machines for general farm use) ត្រាក់ទ័រ គ្រឿងចក្រឈូសឆាយ និងគ្រឿងចក្រផ្សេងៗ (Tractors, bulldozers & other vehicles)។
ក្រៅពីនោះ ពិព័រណ៍ពាណិជ្ជកម្មកសិកម្មរយះពេល៤ថ្ងៃនេះ ក៏មានការរៀបចំដី និងដាំដុះដោយម៉ាស៊ីន និងឧបករណ៍ផ្សេងៗ (Land preparation and plating machinery & equipment) ម៉ាស៊ីនថែទាំដំណាំ និងឧបករណ៍ (Crop maintenance machinery & equipment) ម៉ាស៊ីនក្រោយប្រមូលផល និងឧបករណ៍ (Post-harvesting machinery & equipment) ឧបករណ៍ចងខ្សែ និងគ្រឿងបន្លាស់ (Tillage tools & wear parts) ឧបករណ៍ និងគ្រឿងបន្លាស់ (Other equipment & components)។
បើតាមសេចក្ដីជូនដំណឹងដដែល ពិព័រណ៍ពាណិជ្ជកម្មផ្ដោតលើវិស័យកសិកម្មនេះ ជាឱកាសសម្រាប់អ្នកដែលជាម្ចាស់សហគ្រាស ក៏ដូចជា ផលិតករ អ្នកផ្ដល់សេវាកម្មកសិកម្ម ពាណិជ្ជករ រួមទាំងសាធារណជន អាចផ្សព្វផ្សាយពីផលិតផល និងសេវាកម្មរបស់ខ្លួន រួមទាំងអាចស្វែងរកដៃគូពាណិជ្ជកម្មបានផងដែរ៕
Tag:
ពិព័រណ៍
ពាណិជ្ជកម្ម
© រក្សាសិទ្ធិដោយ thmeythmey.com