អន្តរជាតិ
វេបសាយPornhub ដែលត្រូវបានរដ្ឋាភិបាលថៃបិទមិនអោយចូលមើលបាន។ រូបភាព៖ Reuters
×![]()
ដោយ: ធៀន ភារិន្ទ
រដ្ឋាភិបាលថៃ នៅថ្ងៃទី៣ ខែវិច្ឆិកា បានប្រកាសបិទវេបសាយអាសអាភាសដ៏ល្បី Pornhub និងវេបសាយផ្សេងទៀតប្រមាណ១៩០ ដែលទាក់ទិននឹងវេបសាយអាសអាភាស និងល្បែងស៊ីសង ដោយសំអាងថា វេបសាយទាំងនោះ គឺខុសច្បាប់។ បញ្ហានេះ បានបង្កឲ្យប្រជាជនថៃ ជាពិសេសយុវជន មិនពេញចិត្តយ៉ាងខ្លាំង និងធ្វើបាតុកម្មឲ្យបើកឡើងវិញ។ 
រដ្ឋមន្ត្រីឌីជីថលថៃ លោក Puttipong Punnakanta បានលើកឡើងថា ការបិទវេបសាយ Pornhub និងវេបសាយផ្សេងទៀត ដែលទាក់ទិននឹងល្បែងស៊ីសង និងអាសអាភាសនោះ ដោយសារ វាជាវេបសាយខុសច្បាប់ ដោយផ្អែកទៅតាមច្បាប់ឧក្រិដ្ឋកម្មអ៊ីនធឺណិត។
ការប្រកាសបែបនេះ បានបង្កឲ្យប្រជាជនថៃ ជាពិសេសយុវជន មិនសូវពេញចិត្តឡើយ ហើយថែមទាំងមានប្រជាជនខ្លះ បានធ្វើបាតុកម្មនៅក្បែរក្រសួងឌីជីថលថៃថែមទៀត ក្នុងពេលថ្មីៗនេះ។ តាមការយល់ឃើញរបស់ប្រជាជនថៃ វេបសាយ Pornhub មិនមែនបិទដោយសារខុសច្បាប់ឡើយ ប៉ុន្តែវាអាចទាក់ទិនជាមួយនឹងវីដេអូមួយ ដែលមានវត្តមានរបស់ព្រះមហាក្សត្រថៃ មហា វជិរាលង្ករណ៍ ជាមួយនឹងនារីម្នាក់ ដែលអាក្រាតនៅក្នុងកម្មវិធីមួយ។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។
បន្ទាប់ពីបិទមិនឲ្យចូលទៅក្នុងវេបសាយបាន ប្រជាជនថៃ បានសរសេរ #savepornhub ព្រោងព្រាត នៅលើបណ្តាញសង្គមTwitter នាថ្ងៃទី៣ ខែវិច្ឆិកាកន្លងទៅ។ ការសរសេរបែបនេះ ជាការទាមទារឲ្យរដ្ឋាភិបាលថៃ បើកវេបសាយដ៏ល្បីមួយនេះឡើងវិញ។
ក្រៅពីការទាមទារឲ្យបើកឡើងវិញ ប្រជាជនថៃមួយចំនួន បានប្រើប្រាស់វិធីសាស្ត្រផ្សេងទៀត ដើម្បីចូលទៅក្នុងវេបសាយ Pornhub ផងដែរ។ វិធីដ៏ល្អបំផុត ជាការប្រើប្រាស់ប្រព័ន្ធអ៊ីនធឺណិតឯកជន (VPN) ។ តាមការអះអាងរបស់ក្រុមហ៊ុន Top10VPN ចំនួននៃការស្វែងរក VPN បានកើនឡើនប្រមាណ ៦៤០ភាគរយ បើធៀបនឹងខែកញ្ញា ដល់តុលាកន្លងទៅ។ ការប្រើប្រាស់VPN ជាផ្លូវល្អបំផុតដើម្បីគេចចេញពីការតាមដានរបស់រដ្ឋាភិបាលថៃ។
សូមបញ្ជាក់ថា ក្នុងរយៈពេលចុងក្រោយនេះ ប្រជាជនថៃ បានចូលរួមធ្វើបាតុកម្មជាច្រើន ដើម្បីទាមទារឲ្យលោក ប្រាយុទ្ធ ចាន់អូចា នាយករដ្ឋមន្ត្រីថៃ ចុះចេញពីតំណែង, ការធ្វើកំណែងទម្រង់ស្ថាប័នព្រះមហាក្សត្រ និងវិសោធនកម្មរដ្ឋធម្មនុញ្ញជាដើម។ តាមរយៈកិច្ចប្រជុំសភាកន្លងទៅ ភាគីមួយចំនួន បានយល់ព្រមឲ្យបង្កើតគណៈកម្មាធិការរួបរួម ដើម្បីដោះស្រាយវិបត្តិនយោបាយថៃ ប៉ុន្តែក្រុមបាតុករថៃមួយចំនួន នៅថ្ងៃទី៤ ខែវិច្ឆិកា បានច្រានចោលការបង្កើតគណៈកម្មាធិការមួយនេះ និងបន្តទាមទារឲ្យលោកប្រាយុទ្ធចុះចេញពីតំណែង៕
Tag:
ថៃ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
