ព្រះមហាក្សត្រ និងសម្ដេចម៉ែ យាងមាតុប្រទេសវិញ ក្រោយពិនិត្យសុខភាព នៅចិន

ជាតិ

ព្រះមហាក្សត្រ

ព្រះមហាក្សត្រ និងសម្ដេចម៉ែ យាងមាតុប្រទេសវិញ ក្រោយពិនិត្យសុខភាព នៅចិន

07, Nov 2020 , 5:02 pm

រូបភាព

ដោយ: ធឿន បញ្ញាឬទិ្ធ

ភ្នំពេញ៖ ព្រះករុណា ព្រះបាទសម្ដេច ព្រះនរោត្តម សីហមុនី ព្រះមហាក្សត្រ និងសម្ដេចព្រះវរាជមាតាជាតិខ្មែរ បានយាងមាតុប្រទេសវិញហើយ នៅល្ងាចថ្ងៃទី៧ វិច្ឆិកា នេះ ក្រោយពិនិត្យសុខភាព នៅចិន។

ក្នុងអំឡុងពេលពិនិត្យសុខភាពនេះ លោកប្រធានាធិបតីចិន ស៊ី ជិនភីង បានថ្វាយគ្រឿងឥស្សរិយយស «មិត្តភាពនៃសាធារណរដ្ឋប្រជាមានិតចិន» (China's Friendship Medal) ដល់សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ដោយព្រះអង្គត្រូវបានចាត់ទុកជាសាក្សីប្រវត្តិសាស្ត្រ នៃចំណងមិត្តភាព កម្ពុជា-ចិន កាលពីថ្ងៃទី៦ វិច្ឆិកា។ នេះជាគ្រឿងឥស្សរិយយសថ្នាក់ខ្ពស់បំផុតរបស់រដ្ឋាភិបាលចិន សម្រាប់ឥស្សរជនឆ្នើមបរទេស។