កីឡាជាតិ
ជាតិ
វិសាខាគ្រងជើងឯកពានរង្វាន់សម្តេច ហ៊ុន សែន ក្រោយយកឈ្នះណាហ្គា ២-០
× ក្រុមបាល់ទាត់វិសាខាបានគ្រងជើងឯកពានរង្វាន់សម្តេច ហ៊ុន សែន ឆ្នាំ២០២០ ក្រោយយកឈ្នះក្រុមណាហ្គាវើល ២-០ នៅវគ្គផ្តាច់ព្រ័ត្រនៅល្ងាចថ្ងៃទី៧ ខែវិច្ឆិកា ឆ្នាំ២០២០ នាពហុកីឡដ្ឋានជាតិ។ ការឈ្នះពានជាលើកដំបូងនេះជួយឲ្យវិសាខាទទួលបានកៅអីឡើងទៅប្រកួតវគ្គជម្រុះ AFC Cup 2021។
នាជំនួបដ៏ស្វិតស្វាញនៅពហុកីឡដ្នានរវាងក្រុមវិសាខាជាមួយណាហ្គាវើលពុំមានគ្រាប់បាល់នោះទេក្នុងរយៈពេល៤០នាទីនៃតង់ទី១។ ប៉ុន្តែមួយនាទីក្រោយមកខ្សែប្រយុទ្ធ កែវ សុខផេង បានរកគ្រាប់បាល់នាំមុខ ១-០ ឲ្យវិសាខាលើក្រុមណាហ្គាវើល។ ក្រុមទាំងពីរបានរក្សាលទ្ធផលនេះរហូតចប់តង់ទី១ ទោះពីពួកគេបានព្យាយាមដាក់សម្ពាធ និងបង្កើតឱកាសមាសដាក់គ្នាទៅវិញទៅមកក៏ដោយ។
ឈានដល់តង់ទី២កីឡាករ ឆេង ម៉េង បានបន្ថែមមួយគ្រាប់ទៀតឲ្យវិសាខា ដើម្បីបង្កើនការនាំមុខ ២-០ លើណាហ្គាវើលនៅនាទីទី៥៧។ ក្រុមទាំងពីរបានរក្សាលទ្ធផលនេះរហូតចប់ការប្រកួត។ ជ័យជម្នះនេះជួយឲ្យវិសាខាក្លាយជាម្ចាស់ជើងឯកពានរង្វាន់សម្តេច ហ៊ុន សែន ជាលើកដំបូងក្រោយបង្ហាញខ្លួនបានបីលើក។ ហើយវាខកចិត្តលើកទី៦ សម្រាប់ណាហ្គាវើលក្នុងការគ្រងជើងឯក។ វិសាខាទទួលបានកៅអីឡើងទៅលេងវគ្គជម្រុះ AFC Cup 2021៕
Tag:
បាល់ទាត់
Hun Sen Cup 2020
វិសាខា
© រក្សាសិទ្ធិដោយ thmeythmey.com