COVID-19
ជាតិ
×![]()
ភ្នំពេញ៖ ក្រសួងសុខាភិបាលនាថ្ងៃទី១៤ ខែវិច្ឆិកា បានប្រកាសថាបុរសជនជាតិអាមេរិកកាំងម្នាក់អាយុ៦៩ឆ្នាំ មានវិជ្ជមានកូវីដ-១៩ ក្រោយពេលត្រឡប់មកពីប្រទេសអារមេរិក ចូលមកកម្ពុជានៅថ្ងៃទី១៣ ខែវិច្ឆិកា។ បច្ចុប្បន្នបុរសនោះត្រូវបានសម្រាកព្យាបាលនៅមន្ទីរពេទ្យមិត្តភាពខ្មែរសូវៀតជាមួយនឹងអ្នកជំងឺដែលនៅសល់ចំនួន១៣នាក់ទៀត។ 
ក្រសួងសុខាភិបាលបានបញ្ជាក់ថា បុរសជនជាតិអាមេរិកកាំងនោះមានអាសយដ្ឋានបច្ចប្បន្ននៅApartment មួយកន្លែងនៅរាជធានីភ្នំពេញ។ ដោយឡែកអ្នកដែលរួមដំណើរការជាមួយបុរសនោះចំនួន៧០នាក់ទៀត អវិជ្ជមានកូវីដ-១៩។ ប៉ុន្តែពួកគេត្រូវធ្វើចត្តាឡីស័កឲ្យគ្រប់ចំនួន២សប្តាហ៍ ដោយ១៩នាក់ស្នាក់នៅមណ្ឌលទ័ពអាកាស ចំនួន៣នាក់ស្នាក់នៅសណ្ឋាគារសុខាភ្នំពេញ ៥នាក់ស្នាក់នៅសណ្ឋាគារធានយី និង៤៤នាក់ស្នាក់នៅសណ្ឋាគារចុងស៊ីង។
ក្រសួងសុខាភិបាលបានបញ្ជាក់ថា គិតត្រឹមថ្ងៃទី១៣ ខែវិច្ឆិកា ក្រសួងសុខាភិបាលបានធ្វើតេស្តអ្នកដែលពាក់ព័ន្ធនឹងប្រព្រឹត្តការណ៍៣ វិច្ឆិកា ចំនួន២,៥៦៧នាក់ ក្នុងនោះមាន១៧៤១នាក់បានធ្វើតេស្តជាលើកទី១ ចំណែកមនុស្ស៨២៦នាក់ទៀតបានធ្វើតេស្តជាលើកទី២ ។
កាលពីធ្វើតេស្តទាំង២លើក លើអ្នកមានប្រាស្រ័យទាក់ទងនឹងរដ្ឋមន្ត្រីការបរទេសហុងគ្រីកន្លងមក ក្រសួងសុខាភិបាលបានរកឃើញអ្នកឆ្លងជំងឺកូវីដ-១៩ពីរដ្ឋមន្ត្រីការបរទេសហុងគ្រីចំនួន៤នាក់។ សូមបញ្ជាក់ថានៅថ្ងៃនេះជាថ្ងៃធ្វើតេស្តលើកទី៣របស់អ្នកដែលពាក់ព័ន្ធនឹងព្រឹត្តការណ៍៣វិច្ឆិកា ៕
Tag:
COVID-19
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
