COVID-19
អន្តរជាតិ
ម៉ិកស៊ិកជាប្រទេសទី១១ដែលមានអ្នកកើតកូវីដ-១៩ឡើងដល់ជាង១លានករណី
ម៉ិកស៊ិកមានអ្នកឆ្លងកូវីដ១៩ជាង១លាននាក់ និងស្លាប់ជាង៩៨០០០នាក់។ រូបថត EPA
×![]()
ដោយ: រួបរួម
ម៉ិកស៊ិក បានចូលក្នុងបញ្ជីប្រទេសដែលមានអ្នកឆ្លងកូវីដ-១៩ លើសពី១លានករណី។ នេះបើយោងតាមទិន្នន័យរបស់សាកលវិទ្យាល័យ Johns Hopkins (JHU) នាព្រឹកថ្ងៃចន្ទ ទី១៦ ខែវិច្ឆិកា ស្របពេលដែលតួលេខសរុបមានដល់ជាង៥៤.៣២លានករណី ក្នុងនោះស្លាប់ជាង១.៣២លាននាក់ និងសះស្បើយជាង៣៨លាននាក់។
ម៉ិកស៊ិក ជាប្រទេសទី១១ ដែលមានករណីជាង១លាន បន្ទាប់ពីសហរដ្ឋអាមេរិក (ជាង១១លាន), ឥណ្ឌា (ជាង៨.៨លាន), ប្រេស៊ីល (ជាង៥.៨លាន), បារាំង (ជាង១.៩លាន), រុស្ស៊ី (ជាង១.៩លាន), អេស្ប៉ាញ (ជាង១.៤លាន), ចក្រភពអង់គ្លេស (ជាង១.៣លាន), អាហ្សង់ទីន (ជាង១.៣លាន), កូឡុំប៊ី (ជាង១.១លាន) និងអ៊ីតាលី (ជាង១.១លាន)។
ក្រៅពីនេះ ប្រទេសចំនួន៩ដែលមានករណីលើសកន្លះលាន ដែលក្នុងនោះ មាន ប៉េរូ (ជាង៩៣ម៉ឺន), អាល្លឺម៉ង់ (ជាង៨០ម៉ឺន), អ៊ីរ៉ង់ (ជាង៧៦ម៉ឺន), អាហ្វ្រិកខាងត្បូង (ជាង៧៥ម៉ឺន), ប៉ូឡូញ (ជាង៧១ម៉ឺន), អ៊ុយក្រែន, បែលហ្ស៊ិក, ស៊ីលី (ជាង៥៣ម៉ឺនដូចគ្នា) និងអ៊ីរ៉ាក់ (ជិង៥២ម៉ឺន)។
នៅតំបន់អាស៊ីអាគ្នេយ៍ ឥណ្ឌូណេស៊ី និងហ្វីលីពីន សុទ្ធតែឡើងជាង៤០ម៉ឺន ខណៈមីយ៉ាន់ម៉ា មានជាង៦៨០០០, សិង្ហបុរី ជាង៥៨០០០, ម៉ាឡេស៊ី ជាង៤៧០០០, ថៃ ៣៨៧៤, វៀតណាម ១២៨១, កម្ពុជា ៣០២, ព្រុយណេ ១៤៨, ទីម័រខាងកើត ៣០ និងឡាវ ២៤។
ក្នុងចំណោមអ្នកស្លាប់ជាង១.៣២លាននាក់ សហរដ្ឋអាមេរិក មានជាង២៥ម៉ឺននាក់, ប្រេស៊ីល ជាង១៦ម៉ឺននាក់, ឥណ្ឌាជាង១៣ម៉ឺននាក់ រីឯ១០ប្រទេសទៀត មានអ្នកស្លាប់ចន្លោះពីជាង១ម៉ឺននាក់ ទៅជាង៩ម៉ឺននាក់៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
