សំរាមប្លាស្ទិកជាច្រើន អណ្ដែតលើលូបឹងត្របែក

ជាតិ

វីដេអូ

សំរាមប្លាស្ទិកជាច្រើន អណ្ដែតលើលូបឹងត្របែក

19, Nov 2020 , 9:27 am

រូបភាព

ដោយ: ផាត ដាណេ

ភ្នំពេញ៖ សំរាមជាច្រើន មានប្លាស្ទិក ដប ថង់ កំប៉ុង ស្នោរ បានអណ្តែតព្រោងព្រាត នៅលើប្រឡាយលូត្របឹងបែក ដោយគ្មានអ្នកប្រមូលឡើយ។

សំរាមទាំងនេះ ភាគច្រើនជាប្លាស្ទិក និងស្នោរ អណ្ដែតលើលូបឹងត្របែក ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ កន្លងមក សំរាមនៅទីនេះ មានការប្រមូលខ្លះៗដែរ មិនច្រើនខ្លាំងដូចនេះទេ ប៉ុន្តែរយៈពេលប្រមាណជាង១ខែចុងក្រោយនេះ សំរាមមានការកើនឡើងរាល់ថ្ងៃ ស្ទើរតែពេញលូបឹងត្របែកតែម្ដង។

បើតាមលោក នេត្រ ភក្ត្រា រដ្ឋលេខាធិការក្រសួងបរិស្ថាន រយៈពេល១ឆ្នាំ កម្ពុជាបានបង្កើតសំរាមប្រមាណជិត៤លានតោន ដោយសំណល់សរីរាង្គមាន៦៥ភាគរយ សំណល់ថង់ប្លាស្ទិក មាន២០ភាគរយ និងនៅសេសសល់ជាសំណល់រឹង រួមទាំងសំណល់ផ្សេងៗ។ លោក នេត្រ ភក្ត្រា បញ្ជាក់បន្ថែមថា ក្នុងចំណោមសំណល់ទាំងនោះ មានសំរាមត្រឹម៥១ភាគរយប៉ុណ្ណោះ ដែលចាក់ចោលនៅទីលានចាក់សំរាម ហើយចំណែកឯ សំរាម៤៩ភាគរយទៀត ត្រូវបានបោះបង់ចោលនៅតាមទីសាធារណៈនានា និងតាមប្រភពទឹកផងដែរ៕