ជំនន់ទឹកភ្លៀងកន្លងមក បានធ្វើឲ្យដំណាំស្រូវ និងដំណាំរួមផ្សំ នៅក្នុងខេត្តពោធិ៍សាត់ បាត់ដំបង បន្ទាយមានជ័យ រងគ្រោះ និងខូចខាតច្រើនជាងគេ។ ដើម្បីស្តារឡើងវិញ ដំណាំស្រូវ និងដំណាំរួមផ្សំ ដែលត្រូវជន់លិច និងបានខូចខាត រដ្ឋាភិបាលបានត្រៀមពូជស្រូវ ៦ពាន់តោន និងដំណាំរួមផ្សំជិត៥៦ម៉ឺនកញ្ចប់ ដើម្បីចែកជូនកសិករ។

 

សូមជម្រាបថា រាជធានី-ខេត្តចំនួន២០ បានរងផលប៉ះពាល់ដោយសារគ្រោះទឹកជំនន់កន្លងមក ក្នុងនោះ មានពលរដ្ឋប្រមាណ ៦០ម៉ឺននាក់រងផលប៉ះពាល់, មនុស្ស៤៤នាក់ បានបាត់បង់ជីវិត  និងដំណាំកសិកម្មប្រមាណ ៣៨ម៉ឺនហិកតាត្រូវបានជន់លិច៕