ចិនផ្តល់អំពូលសូឡា និងម៉ូតូអគ្គិសនី ៣០០០គ្រឿង ដើម្បីជួយការពារបរិស្ថាន នៅខេត្តព្រះសីហនុ

ជាតិ

សង្គមជាតិ

ចិនផ្តល់អំពូលសូឡា និងម៉ូតូអគ្គិសនី ៣០០០គ្រឿង ដើម្បីជួយការពារបរិស្ថាន នៅខេត្តព្រះសីហនុ

24, Nov 2020 , 7:29 pm

រូបភាព

ដោយ:

ភ្នំពេញ៖ ចិនផ្តល់អំពូលសូឡា និងម៉ូតូអគ្គិសនី ៣០០០គ្រឿង សម្រាប់បំពាក់នៅតាមសាលារៀន ក្នុងខេត្តព្រះសីហនុ។ សម្ភារទាំងនោះ បានដឹកមកដល់ផែខេត្តព្រះសីហនុហើយ។ នេះបើតាមការផ្សាយព័ត៌មានរបស់ក្រសួងបរិស្ថាន។

ក្រសួងបរិស្ថាន បានបញ្ជាក់ថា គ្រឿងសម្ភារទាំងនោះជាជំនួយដែលរដ្ឋាភិបាលចិនបានផ្តល់ឲ្យកម្ពុជាតាមរយៈអនុស្សរណៈយោគយល់គ្នាស្តីពីកិច្ចសហប្រតិបត្តិការគម្រោងសាកល្បងបញ្ចេញកាបូននៅខេត្តព្រះសីហនុ ដែលបានចុះហត្ថលេខារវាងក្រសួងបរិស្ថាន និងក្រសួងបរិស្ថាននៃសាធារណរដ្ឋប្រជាមានិតចិនកាលពីឆ្នាំកន្លងទៅ។

សម្ភារទាំងនោះរួមមាន អំពូលសូឡាចំនួន២៨០០គ្រឿង ម៉ូតូអគ្គិសនីចំនួន២០០គ្រឿង និងអំពូលផ្ទាំងសូឡាចំនួន២០០កំប្លេ។ បើតាមក្រសួងបរិស្ថាន សម្ភារទាំងនោះនឹងជួយកាត់បន្ថយការបញ្ចេញកាបូននៅក្នុងខេត្តព្រះសីហនុ ដើម្បីឲ្យបរិស្ថាននៅទីនោះ ប្រកបដោយនិរន្តរភាព មានមេត្រីភាពបរិស្ថាន ទីក្រុងបៃតង ភាពសុខុដុមរមនាបរិស្ថាន និងការរស់នៅដោយចីរភាព។

ក្រសួងណែនាំឲ្យអ្នកពាក់ព័ន្ធទាំងអស់ពង្រឹងសមត្ថភាពបង្ការ ទប់ស្កាត់ និងចាត់វិធានការកាត់បន្ថយការប្រែប្រួលអាកាសធាតុនៅប្រទេសកម្ពុជា៕