អាជ្ញាធរសុខាភិបាលឥណ្ឌូណេស៊ី បានរាយការណ៍ថា ឥណ្ឌូណេស៊ីមានករណីឆ្លងកូវីដ-១៩ ប្រចាំថ្ងៃចំនួន ៦២៦៧ករណី និងអ្នកស្លាប់ស្លាប់ចំនួន ១៦៩នាក់។ តួលេខសរុបឥណ្ឌូណេស៊ី បានកើនដល់ចំនួន ៥៣៤២៦៦ករណី ខណៈអ្នកស្លាប់មានចំនួន ១៦៨១៥នាក់។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters។

 

តួលេខអ្នកស្លាប់ និងករណីឆ្លងរបស់ឥណ្ឌូណេស៊ីខាងលើនេះ គឺជាចំនួនខ្ពស់ជាងគេបំផុតនៅក្នុងអាស៊ីអាគ្នេយ៍ ខណៈប្រទេសបន្ទាប់ គឺហ្វីលីពីន ដែលមានចំនួនជាង ៤២ម៉ឺន និងអ្នកស្លាប់មានជាង៨ពាន់នាក់។ 

សូមបញ្ជាក់ថា មកទល់ពេលនេះ ក្នុងចំណោមបណ្តាប្រទេសអាស៊ាន មានតែប្រទេសបីប៉ុណ្ណោះ ដែលបានចុះហត្ថលេខាទិញវ៉ាក់សាំងជាច្រើនលានដូស ពីក្រុមហ៊ុនថ្នាំពេទ្យធំៗ ដូចជា Pfizer និង AstraZeneca៕