ពីនេះ ពីនោះ
សុខភាព
×![]()
ដោយ: សារព័ត៌មានថ្មីៗ
ជំងឺមហារីករន្ធគូថគឺជាប្រភេទនៃជំងឺមហារីកដ៏កម្រមួយដែលកើតឡើងនៅក្នុងរន្ធគូថ។ រន្ធគូថគឺជាបំពង់ខ្លីមួយដែលនៅផ្នែកខាងចុងនៃចុងពោះវៀនរបស់អ្នក។ ជំងឺមហារីក រន្ធគូថភាគច្រើនត្រូវការការព្យាបាលដោយរួមបញ្ចូលគ្នានៃការព្យាបាលដោយសារធាតុគីមី និងការបាញ់កាំរស្មី។ តាមរយ:កាព្យាបាលដោយរួមបញ្ចូលគ្នានេះជំងឺមហារីករន្ធគូថមានឱកាសក្នុងការជាសះស្បើយច្រើន ហើយក៏មានហានិភ័យខ្ពស់ផងដែរ។ រោគសញ្ញានៃជំងឺមហារីករន្ធគូថរួមមាន:
- មានហូរឈាមតាមរន្ធគូថ
- មានការឈឺចាប់នៅក្នុងរន្ធគូថ
- មានដុំសាច់នៅក្នុងរន្ធគូថ
- រមាស់រន្ធគូថ
ការធ្វើតេស្ត និងនីតិវិធីដែលត្រូវបានប្រើដើម្បីធ្វើរោគវិនិច្ឆ័យនៃជំងឺមហារីករន្ធគូថ មានដូចជា:
- ការពិនិត្យមើលរន្ធគូថ និងចុងពោះវៀនរកភាពមិនធម្មតានៃរន្ធគូថរបស់អ្នក ក្នុងអំឡុងពេលលូកទៅពិនិត្យរន្ធគូថវេជ្ជបណ្ឌិតសូកបញ្ចូលម្រាមដៃដែលមានពាក់ស្រោមដៃ និងមានលាបប្រេងរំអិលចូលទៅក្នុងចុងពោះវៀនរបស់អ្នក។ គាត់នឹងស្ទាបរកអ្វីដែលមិនប្រក្រតីដូចជាដុំសាច់ជាដើម។
- មើលអ្វីដែលមិនប្រក្រតីក្នុងរន្ធគូថរបស់អ្នក គ្រូពេទ្យរបស់អ្នកអាចប្រើបំពង់ដែល មានពន្លឺបំភ្លឺខ្លីមួយ(anoscope)សូកចូលទៅក្នុងរន្ធគូថដើម្បីត្រួតពិនិត្យនៅក្នុងរន្ធគូថ និងចុងពោះវៀនពីអ្វីដែលមិនប្រក្រតី។
- ថតអេកូ ក្នុងគោលបំណងដើម្បីយករូបភាពពីរន្ធគូថរបស់អ្នក គ្រូពេទ្យរបស់ នឹងបញ្ចូលក្បាលថតរបស់ម៉ាស៊ីនអេកូ ដែលស្រដៀងគ្នាទៅនឹងទែម៉ូម៉េត្រមួយ ចូលទៅក្នុងរន្ធគូថរបស់អ្នក។ ក្បាលអេកូបញ្ចេញរលកសំឡេងខ្ពស់ដែលគេ ហៅថាអ៊ុលត្រាសោនទៅប៉ះនឹងជាលិកា និងសរីរាង្គក្នុងខ្លួនរបស់អ្នកដើម្បី បង្កើតជារូបភាព។ វេជ្ជបណ្ឌិតវាយតម្លៃរូបភាពដើម្បីរកមើលអ្វីដែលខុសពី ធម្មតា។
- យកគំរូវត្ថុវិភាគនៃជាលិកាសម្រាប់ការធ្វើតេស្តនៅក្នុងមន្ទីរពិសោធន៍ ប្រសិនបើ គ្រូពេទ្យបានរកឃើញមានភាពមិនប្រក្រតីណាមួយដែល គាត់អាចយកគំរូវត្ថុវិ ភាគតូចមួយនៃជាលិកាដែលទទួលរងផលប៉ះពាល់(Biopsy) ហើយផ្ញើទៅមន្ទីរ ពិសោធន៍ដើម្បីវិភាគ។ ដោយមើលកោសិកាដោយមីក្រូទស្សន៍គ្រូពេទ្យអាច បញ្ជាក់ថាកោសិកានោះជាកោសិកាមហារីកដែរឬទេ។
ដូច្នេះប្រសិនបើអ្នកសង្ស័យថាអ្នកមានបញ្ហាដូចដែលបានជម្រាបខាងលើសូមប្រញាប់រួសរាន់អញ្ជើញទៅមន្ទីពេទ្យដើម្បីទទួលការពិនិត្យរកបញ្ហាជំងឺមហារីកនេះអោយបានឆាប់ទើបជាការប្រសើរ ហើយអ្នកក៏នឹងមានឪកាសក្នុងការព្យាបាល អោយបានជាសះស្បើយកាន់តែច្រើន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
