ជាតិ
សង្គមជាតិ
ក្រសួងសុខាភិបាល បំភ្លឺថា គ្មានការព្យាបាលជំងឺកូវីដ-១៩ ជាសះស្បើយ តាមវិធីបុរាណឡើយ
រូបពីក្រសួងសុខាភិបាល
×![]()
ភ្នំពេញ៖ ក្រសួងសុខាភិបាល នាថ្ងៃទី៧ ខែធ្នូនេះ បានច្រានចោលចំពោះការផ្សាយរបស់គណនីហ្វេសប៊ុកមួយចំនួន អំពីការព្យាបាលជំងឺកូវីដ-១៩ តាមរយៈការប្រើថ្នាំបុរាណ។ ក្រសួងសុខាភិបាល បានអះអាងថា ការប្រើថ្នាំបុរាណ ពុំអាចព្យាបាលជំងឺកូវីដ-១៩ បានឡើយ។ 
ក្រសួងសុខាភិបាលបានណែនាំប្រជាពលរដ្ឋ កុំឲ្យជឿតាមការផ្សព្វផ្សាយពីការព្យាបាលជំងឺកូវីដ-១៩ ដោយគ្រាន់តែប្រើប្រាស់វិធីសាស្ត្រតាមបែបបុរាណខ្មែរឲ្យសោះ ពីព្រោះវិធីសាស្ត្រនេះ អាចនឹងបង្កគ្រោះថ្នាក់ដល់ជីវិត។
ក្រសួងសុខាភិបាលបានបញ្ជាក់ថា ក្នុងករណីដែលប្រជាពលរដ្ឋណាម្នាក់មានអាការមិនស្រួលខ្លួន គឺត្រូវពិគ្រោះជាមួយមន្ត្រីជំនាញសុខាភិបាល និងទៅព្យាបាលនៅមន្ទីរពេទ្យ ដើម្បីជៀសផុតពីគ្រោះថ្នាក់ផ្សេងៗ។
ទន្ទឹមនេះ ក្រសួងសុខាភិបាល បានស្នើឲ្យអាជ្ញាធរវិធានការតាមផ្លូវច្បាប់ លើអ្នកដែលបានផ្សព្វផ្សាយអំពីវិធីព្យាបាលថ្នាំបុរាណទាំងនោះ។
កាលពីខែមីនាកន្លងទៅនេះ មានគ្រូថ្នាំបុរាណមួយចំនួនដែលស្ថិតនៅក្នុងខេត្តសៀមរាប បានស្នើសុំទៅមន្ទីរសុខាភិបាលខេត្ត ដើម្បីយកថ្នាំរបស់ខ្លួនទៅព្យាបាលជំងឺកូវីដ-១៩។ ប៉ុន្តែមន្ទីរសុខាភិបាលខេត្តសៀមរាបបានបញ្ជាក់ថាការព្យាបាលដោយប្រើថ្នាំបុរាណ ពុំមែនជាវិធីដែលមានប្រសិទ្ធភាពឡើយ។ មន្ទីរ បកស្រាយថា ការព្យាបាលស្របតាមវិទ្យាសាស្ត្រទៅវិញទេ ដែលជាវិធីដ៏ល្អសម្រាប់អ្នកជំងឺកូវីដ-១៩៕
Tag:
ថ្នាំបុរាណ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
