COVID-19
ជាតិ
សម្តេចនាយករដ្ឋមន្រ្តី ហ៊ុន សែន (ឆ្វេងដៃ) និង លោក កឹម សុខា ប្រធានអតីតគណបក្សសង្គ្រោះជាតិ។ រូបពីទំព័រហ្វេសប៊ុករបស់សម្តេច និងហ្វេសប៊ុករបស់លោក កឹម សុខា
×![]()
ដោយ: សារព័ត៌មានថ្មីៗ
លោក កឹម សុខា ប្រធានអតីតគណបក្សសង្គ្រោះជាតិ ក៏ប្រកាសគាំទ្រប្រមុខរដ្ឋាភិបាលកម្ពុជាដែរ ដែលដាក់ចេញផែនការត្រៀមទិញវ៉ាក់សាំងការពារជំងឺកូវីដ-១៩។ ការបង្ហាញជំហរគាំទ្ររបស់លោក គឺធ្វើឡើងតាមរយៈសារលើទំព័រហ្វេសប៊ុក ដែលបង្ហោះចេញនៅរសៀលថ្ងៃទី៨ ខែធ្នូ ឆ្នាំ២០២០នេះ។
លោក កឹម សុខា បានសរសេរដូច្នេះថា៖«ខ្ញុំសូមចូលរួមគាំទ្រដល់វិធានការនានា ដើម្បីទប់ស្កាត់ការរីករាលដាលនៃជំងឺកូវីដ-១៩ របស់រាជរដ្ឋាភិបាលកម្ពុជា។ ជាពិសេសនៅពេលថ្មីៗនេះ ខ្ញុំសូមគាំទ្រនូវគម្រោងផែនការដែលដាក់ចេញមកដោយប្រមុខរាជរដ្ឋាភិបាលកម្ពុជា ទាន់ពេលវេលាក្នុងការត្រៀមថវិកាសម្រាប់ទិញវ៉ាក់សាំងការពារនឹងជំងឺកូវីដ-១៩ ដើម្បីចាក់ជូនប្រជាពលរដ្ឋយើងដោយឥតគិតថ្លៃ»។
ជាមួយគ្នានេះ ប្រធានអតីតគណបក្សប្រឆាំង ដែលគ្មានសិទ្ធិធ្វើសកម្មភាពនយោបាយរូបនេះ បានសរសើរសប្បុរសជន ដែលបានបរិច្ចាគថវិកា ជូនទៅរដ្ឋាភិបាល ដើម្បីទិញវ៉ាក់សាំងការពារជំងឺកូវីដ-១៩។ លោក ថែមទាំងលើកទឹកចិត្តដល់ប្រជាពលរដ្ឋខ្មែរទាំងក្នុងនិងក្រៅប្រទេស ឲ្យបន្តចូលរួមជាថវិកា ដល់រដ្ឋាភិបាល សម្រាប់ទិញវ៉ាក់សាំងនេះ។ លោក ហៅ ការលះបង់ក្នុងស្ថានការណ៍នេះ ថាជាទឹកចិត្តសប្បុរសធម៌ សាមគ្គីជាតិខ្មែរ ខ្មែរជួយខ្មែរ ក្នុងគ្រាមានអាសន្ន។ បន្ថែមពីនេះ លោក អំពាវនាវដល់សហគមន៍អន្តរជាតិ និងបណ្តាប្រទេសអភិវឌ្ឍន៍ ឲ្យជួយផ្ដល់វ៉ាក់សាំងការពារកូវីដ-១៩ ដល់កម្ពុជា។
នៅយប់ថ្ងៃទី៧ខែធ្នូ ប្រមុខរដ្ឋាភិបាល បានប្រកាសថា ជាជំហានដំបូង កម្ពុជា ត្រៀមទិញវ៉ាក់សាំងការពារជំងឺកូវីដ-១៩ ចំនួន១លានដូស ដែលអាចផ្តល់ឲ្យមនុស្សប្រមាណ៥០ម៉ឺននាក់។ លុះដល់ព្រឹកឡើង (ព្រឹកថ្ងៃ៨ធ្នូ) រដ្ឋាភិបាល ទទួលបានថវិកាជាង១៨លានដុល្លារ ពីសប្បុរសជននានា ជាពិសេសក្រុមឧកញ៉ា ដែលភាគច្រើន ហ៊ានបរិច្ចាកដល់ទៅខ្ទង់លានដុល្លារក្នុងម្នាក់ៗ។ នៅតែមានសប្បុរសជននានា បន្តបរិច្ចាគថវិកា ជូនរដ្ឋាភិបាល សម្រាប់ទិញវ៉ាក់សាំងការពារជំងឺកូវីដ-១៩៕
លោក កឹម សុខា បានសរសេរដូច្នេះថា៖«ខ្ញុំសូមចូលរួមគាំទ្រដល់វិធានការនានា ដើម្បីទប់ស្កាត់ការរីករាលដាលនៃជំងឺកូវីដ-១៩ របស់រាជរដ្ឋាភិបាលកម្ពុជា។ ជាពិសេសនៅពេលថ្មីៗនេះ ខ្ញុំសូមគាំទ្រនូវគម្រោងផែនការដែលដាក់ចេញមកដោយប្រមុខរាជរដ្ឋាភិបាលកម្ពុជា ទាន់ពេលវេលាក្នុងការត្រៀមថវិកាសម្រាប់ទិញវ៉ាក់សាំងការពារនឹងជំងឺកូវីដ-១៩ ដើម្បីចាក់ជូនប្រជាពលរដ្ឋយើងដោយឥតគិតថ្លៃ»។
ជាមួយគ្នានេះ ប្រធានអតីតគណបក្សប្រឆាំង ដែលគ្មានសិទ្ធិធ្វើសកម្មភាពនយោបាយរូបនេះ បានសរសើរសប្បុរសជន ដែលបានបរិច្ចាគថវិកា ជូនទៅរដ្ឋាភិបាល ដើម្បីទិញវ៉ាក់សាំងការពារជំងឺកូវីដ-១៩។ លោក ថែមទាំងលើកទឹកចិត្តដល់ប្រជាពលរដ្ឋខ្មែរទាំងក្នុងនិងក្រៅប្រទេស ឲ្យបន្តចូលរួមជាថវិកា ដល់រដ្ឋាភិបាល សម្រាប់ទិញវ៉ាក់សាំងនេះ។ លោក ហៅ ការលះបង់ក្នុងស្ថានការណ៍នេះ ថាជាទឹកចិត្តសប្បុរសធម៌ សាមគ្គីជាតិខ្មែរ ខ្មែរជួយខ្មែរ ក្នុងគ្រាមានអាសន្ន។ បន្ថែមពីនេះ លោក អំពាវនាវដល់សហគមន៍អន្តរជាតិ និងបណ្តាប្រទេសអភិវឌ្ឍន៍ ឲ្យជួយផ្ដល់វ៉ាក់សាំងការពារកូវីដ-១៩ ដល់កម្ពុជា។
នៅយប់ថ្ងៃទី៧ខែធ្នូ ប្រមុខរដ្ឋាភិបាល បានប្រកាសថា ជាជំហានដំបូង កម្ពុជា ត្រៀមទិញវ៉ាក់សាំងការពារជំងឺកូវីដ-១៩ ចំនួន១លានដូស ដែលអាចផ្តល់ឲ្យមនុស្សប្រមាណ៥០ម៉ឺននាក់។ លុះដល់ព្រឹកឡើង (ព្រឹកថ្ងៃ៨ធ្នូ) រដ្ឋាភិបាល ទទួលបានថវិកាជាង១៨លានដុល្លារ ពីសប្បុរសជននានា ជាពិសេសក្រុមឧកញ៉ា ដែលភាគច្រើន ហ៊ានបរិច្ចាកដល់ទៅខ្ទង់លានដុល្លារក្នុងម្នាក់ៗ។ នៅតែមានសប្បុរសជននានា បន្តបរិច្ចាគថវិកា ជូនរដ្ឋាភិបាល សម្រាប់ទិញវ៉ាក់សាំងការពារជំងឺកូវីដ-១៩៕
Tag:
COVID-19
កឹម សុខា
ហ៊ុន សែន
វ៉ាក់សាំងកូវីដ-១៩
© រក្សាសិទ្ធិដោយ thmeythmey.com
