ជាតិ
ក្រសួងមុខងារសាធារណៈ អនុញ្ញាតឲ្យមន្ត្រីថ្នាក់ក្រោមជាតិ អាចផ្ទេរក្របខ័ណ្ឌ ឬផ្លាស់ប្ដូរកន្លែងធ្វើការឡើងវិញ
លោក ព្រុំ សុខា ថ្លែងក្នុងពិធីតែងតាំងមុខងារដល់មន្ត្រីរាជការ៣០នាក់ នៃក្រសួងមុខងារសាធារណៈ រាជធានីភ្នំពេញ៖ កាលពីទី២៥ ខែវិច្ឆិកា ឆ្នាំ២០២០ (រូបពីក្រសួងមុខងារសាធារណៈ)
×![]()
ដោយផ្អែកលើតម្រូវការ និងសំណូមពរពីការងារចាំបាច់របស់ក្រសួង ស្ថាប័ន និង រដ្ឋបាលរាជធានី ខេត្ត ក្រុង ស្រុក ខណ្ឌ ក្រសួងមុខងារសាធារណៈ អនុញ្ញាតឲ្យផ្ទេរក្របខ័ណ្ឌ ឬផ្លាស់ប្ដូរកន្លែងធ្វើការបានជាធ្មតាវិញ ក្រោយផ្អាកមួយរយៈកន្លងមក។ នេះបើតាមសេចក្ដីជូនដំណឹងរបស់ក្រសួងមុខងារសាធារណៈ នៅថ្ងៃទី១៤ ខែធ្នូ ឆ្នាំ២០២០។
សេចក្តីជូនដំណឹង ដែលចេញដោយលោក ព្រុំ សុខា ជារដ្ឋមន្ត្រីក្រសួងមុខងារសាធារណៈ បានឲ្យដឹងថា ក្រសួងមុខងារសាធារណៈ អនុញ្ញាតឲ្យផ្ទេរក្របខ័ណ្ឌ ឬផ្លាស់ប្ដូរកន្លែងធ្វើការរបស់មន្ត្រីរាជការ នៅតាមក្រសួង ស្ថាប័នថ្នាក់ជាតិ មន្ទីរ និង អង្គភាពជំនាញនានា ដែលបំពេញការងារនៅថ្នាក់ក្រោមជាតិ រួមទាំងមន្ត្រីរាជការតាមរដ្ឋបាលរាជធានី-ខេត្តផងដែរ។
សូមរម្លឹកថា ក្រសួងមុខងារសាធារណៈ បានផ្អាកមិនឲ្យមានការផ្ទេរក្របខ័ណ្ឌនិងការផ្លាស់ប្តូរកន្លែងធ្វើការរបស់មន្ត្រីរាជធាការថ្នាក់ក្រោមជាតិ ចាប់តាំងពីអំឡុងខែធ្នូ ឆ្នាំ២០១៩មក ដោយសារពេលនោះ កំពុងដំណើរការនៃការរៀបចំផ្ទេររចនាសម្ព័ន្ធនិងបុគ្គលិកឲ្យស្ថិតក្រោមការគ្រប់គ្រងរបស់រដ្ឋបាលថ្នាក់ក្រោមជាតិ៕
Tag:
ក្រសួងមុខងារសាធារណៈ
© រក្សាសិទ្ធិដោយ thmeythmey.com
