Zidane សរសើរ Benzema ជាកំពូលខ្សែប្រយុទ្ធ ក្រោយជួយ Real កើនពិន្ទុស្មើក្រុមកំពូលតារាង

កីឡាអន្តរជាតិ

អន្តរជាតិ

Zidane សរសើរ Benzema ជាកំពូលខ្សែប្រយុទ្ធ ក្រោយជួយ Real កើនពិន្ទុស្មើក្រុមកំពូលតារាង

16, Dec 2020 , 2:39 pm

រូបភាព

ដោយ: ទេព ពិទូរ្យ

លោក Zinedine Zidane សរសើរ Karim Benzema មិនដាច់ពីមាត់បន្ទាប់ពីខ្សែប្រយុទ្ធរូបនេះជួយ Real Madrid យកឈ្នះ Athletic Bilbao ៣-១ ក្នុងការប្រកួត LaLiga នៅរាត្រីថ្ងៃទី១៥ ខែធ្នូ។

Benzema បានស៊ុតបាល់បញ្ចូលទីយ៉ាងល្អចំនួន២គ្រាប់ម្នាក់ឯង និងToni Kroos មួយគ្រាប់ ដើម្បីជួយក្រុមយក្សអេស្ប៉ាញឡើងប្រជែងជាមួយក្រុម Real Sociedad និង Atletico Madrid ដែលកំពុងឈរកំពូលតារាងលីគកំពូលអេស្ប៉ាញ។

ការទទួលបាន៣ពិន្ទុបន្ថែមនេះបានជួយ Real Madrid ឡើងទៅកាន់ចំណាត់ថ្នាក់ទី៣ ពីការប្រកួត១៣លើក មាន២៦ពិន្ទុ ស្មើជាមួយក្រុមលេខ១ និងលេខ២ដែរ ដោយចាញ់តែសំណល់គ្រាប់បាល់ប៉ុណ្ណោះ។

ក្រោយរកបាន២គ្រាប់ Benzema ទទួលបានការសរសើរពី Zidane មិនដាច់ពីមាត់។ អ្នកចាត់ការសញ្ជាតិបារាំងអះអាងថាសមត្ថភាពរបស់កីឡាករវ័យ៣១ឆ្នាំនេះបច្ចុប្បន្នជាកំពូលខ្សែប្រយុទ្ធល្អបំផុតហើយ។

Zidane បានប្រាប់កាសែត AS ក្រោយចប់ការប្រកួតថា៖«សម្រាប់ខ្ញុំ Benzema ល្អបំផុតព្រោះការសម្រេចទីរបស់គេពិតជាមានប្រសិទ្ធភាពខ្លាំងណាស់ បើទោះប៉ះក្រុមខ្លាំងដូចជា Bilbao នេះក្តី។ Benzema ជាខ្សែប្រយុទ្ធដ៏ឆ្នើម»។

ខ្សែប្រយុទ្ធសញ្ជាតិបារាំងវ័យ៣២ឆ្នាំរូបនេះ រកបាន១០គ្រាប់ហើយពីគ្រប់ការប្រកួតរដូវកាលនេះ។ ក្នុងជំនួបទល់ Athletic Bilbao សរុបទាំង២២លើកនៅលីគកំពូលអេស្ប៉ាញ Benzema អាចទាត់បាល់បញ្ចូលទីចំនួន១៨គ្រាប់ និងបញ្ជូនឲ្យដៃគូសម្រេចទី (assist) ៥លើកផងដែរ៕