COVID-19
អន្តរជាតិ
លោកប្រធានាធិបតីបារាំង អេម៉ានុយអែល ម៉ាក្រុង ឆ្លងកូវីដ១៩។ រូបថត AFP
×![]()
ដោយ: សារព័ត៌មានថ្មីៗ
ប្រធានាធិបតីបារាំង លោក អេម៉ានុយអែល ម៉ាក្រុង ឆ្លងជំងឺកូវីដ-១៩ ។ វិមានប្រធានាធិបតីបារាំងប្រកាសបែបនេះនៅថ្ងៃទី១៧ ខែធ្នូ។ លោក ម៉ាក្រុង នឹងនៅដោយឡែករយៈពេល៧ថ្ងៃតាមការកំណត់របស់សុខាភិបាលបារាំង។
«លោកប្រធានាធិបតី ធ្វើតេស្តវិជ្ជមានជំងឺកូវីដ-១៩ នៅថ្ងៃនេះ។» នេះជាការប្រកាសរបស់វិមានប្រធានាធិបតីបារាំងនៅថ្ងៃទី១៧ ខែធ្នូ ដែលបន្តថា លោក អេម៉ានុយអែល ម៉ាក្រុង បានធ្វើតេស្តក្រោយលេចចេញសញ្ញាជំងឺនេះ។ នេះបើតាមការផ្សាយរបស់ទីភ្នាក់ងារព័ត៌មាន AFP ។
បើតាមសេចក្ដីប្រកាសដដែល លោក ម៉ាក្រុង នឹងនៅដាច់ដោយឡែក៧ថ្ងៃ តាមការវិធានសុខាភិបាលជាតិ ហើយបន្តធ្វើការប្រចាំថ្ងៃពីចម្ងាយ។
លោក ម៉ាក្រុង ក្លាយជាមេដឹកនាំប្រទេសថ្មីមួយទៀតដែលឆ្លងជំងឺនេះ។ នាយករដ្ឋមន្ត្រីអង់គ្លេស បូរីស ចនសុន និងប្រធានាធិបតីអាមេរិក ដូណាល់ ត្រាំ ក៏ធ្លាប់ឆ្លងជំងឺនេះដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
