កីឡាអន្តរជាតិ
អន្តរជាតិ
Lewandowski សារភាពថា ធ្លាប់ចង់ទៅ Man Utd មុនទៅលេងឲ្យ Bayern
×
ដោយ៖ជា យូគៀង
ខ្សែប្រយុទ្ធសញ្ជាតិប៉ូឡូញ Robert Lewandowski ដែលជាតារាបាល់ទាត់ឆ្នើមលើពិភពលោកប្រចាំក្រុមអាល្លឺម៉ង់ Bayern Munich សារភាពថា រូបគេត្រៀមខ្លួនរួចហើយដើម្បីទៅលេងឲ្យក្រុមអង់គ្លេស Manchester United កាលពីឆ្នាំ២០១២ ។ ប៉ុន្តែការផ្ទេររូបគេទៅអង់គ្លេសមិនអាចកើតបានដោយសារ Dortmund មិនព្រម។
ខ្សែប្រយុទ្ធរបស់ក្រុម Bayern Munich Robert Lewandowski បានប្រាប់ France Football ថា រូបគេបានធ្លាប់ជជែកជាមួយលោក Sir Alex Ferguson ពីការផ្ទេរទៅកាន់ទឹកដី Old Trafford ក្នុងឆ្នាំ ២០១២។ កាលឆ្នាំនោះ កីឡាករសញ្ជាតិប៉ូឡូញរូបនេះ មានដំណឹងលេចឮមិនដាច់ទាក់ទងក្នុងការផ្លាស់ទៅទឹកដីអង់គ្លេស ខណៈពេលដែលកំពុងលេងនៅក្លឹប Borussia Dortmund ។
ទោះជាយ៉ាងណា ការផ្ទេរត្រូវបានបរាជ័យ ហើយ Lewandowski ក៏ទៅចូលរួមជាមួយក្លិប Bayern Munich ជាមួយនឹងការផ្ទេរដោយគ្មានតម្លែខ្លួនក្នុងឆ្នាំ២០១៤។ រូបគេរកបានគ្រាប់បាល់ដោយស៊ុតបាល់បញ្ចូលទី ២៦៦ គ្រាប់ នៅក្នុងការបង្ហាញខ្លួន ៣០៧ ប្រកួតសំរាប់ក្រុម Bayern Munich។
Lewandowski ក៏ជាបប់ឈ្មោះជាកីឡាករឆ្នើម FIFA man’s Player of 2020 ដែរ។
Lewandowski ប្រាប់ France Football ទៀតថា អាជីពរបស់គេក៏អាចនឹងខុសពីបច្ចុប្បន្ន ប្រសិនបើ Dortmund មិនរារាំងការផ្ទេរទៅ Premier League ទេនោះ។ រូបគេនិយាយថា៖ «បន្ទាប់ពីនៅជាមួយ Dortmund រយៈពេល២ឆ្នាំ ខ្ញុំបានជជែកគ្នាជាមួយលោក Sir Alex Ferguson។ គាត់ចង់បានខ្ញុំទៅចូលរួមជាមួយ Manchester United»។
កីឡាកររូបនេះ បានសារភាពថា រូបគេក៏ចាប់អារម្មណ៍ ហើយត្រៀមខ្លួនរួចរាល់ហើយដែរ។ ប៉ុន្តែ Dortmund មិនព្រមឲ្យរូបគេទៅឡើយ។ សម្រាប់ Lewandowski វាក៏មិនមែនជារឿងដែលត្រូវសោកស្តាយនោះទេ ព្រោះគ្រប់យ៉ាងជាមួយ Dortmund ក៏ល្អដែរ។
ទីបំផុត លោក Ferguson បានចុះកុងត្រាយក Robin van Persie ពីក្លឹប Arsenal នៅក្នុងរដូវកាល ២០១២-២០១៣ ហើយបានជួយឲ្យបិសាចក្រហមឈ្នះពានរង្វាន់ Premier League នៅរដូវកាលដឹកនាំចុងក្រោយក្នុងការដឹកនាំដ៏អស្ចារ្យរបស់អ្នកចាត់ការទូរទៅរូបនេះ។ ចំណែក Lewandowski ក៏ទៅលេខឲ្យ Bayern Munich នៅឆ្នាំ២០១៤ ៕
© រក្សាសិទ្ធិដោយ thmeythmey.com