អ្នកទាំង៥២នាក់ បានលួចឆ្លងដែនតាមច្រករបៀង និងបោះជំរំស្នាក់នៅលើទឹកដីថៃជាប់ព្រំដែនថៃ-កម្ពុជាកាលពីថ្ងៃទី២៥ ខែធ្នូ។ ពួកគាត់គឺជានៅខេត្តសៀមរាប ដែលធ្វើដំណើរឆ្លងដែនក្នុងគោលបំណងដើម្បីស្វែងការងារផ្នែកកសិកម្ម។  

ពលរដ្ឋខ្មែរទាំងនោះបានបញ្ជាក់ថា ការងារនៅប្រទេសថៃអាចឲ្យពួកគេទទួលបានកម្រៃប្រមាណ២០០ទៅ៣០០បាត់ក្នុងមួយថ្ងៃ ដែលជាការងារនៅតាមខេត្តជាប់ព្រំដែនកម្ពុជា ដោយមិនចាំបាច់ទៅដល់ទីក្រុងបាងកកនៃប្រទេសថៃឡើយ។ នេះបើតាមអគ្គនាយកដ្ឋានស្នងការនគរបាលជាតិ ដោយបានបន្ថែមថា ការឃាត់ខ្លួននេះ ធ្វើឡើងខណៈសមត្ថកិច្ចថៃកំពុងទប់ស្កាត់ការរីករាលដាលកូវីដ-១៩។ 

 

បន្ទាប់ពីឃាត់ខ្លួន សមត្ថកិច្ចបានបញ្ជូនពលរដ្ឋទាំងនោះ ឲ្យអាជ្ញាធរខ្មែរដើម្បីដោះស្រាយបន្ត។ មន្រី្តសុខាភិបាលនិងសមត្ថកិច្ចខ្មែរ បានសហការគ្នាជួយសម្របសម្រួលនិងពិនិត្យសុខភាពយ៉ាងហ្មត់ចត់ និងធ្វើចត្តាឡីស័កដើម្បីបង្ការកូវីដ-១៩៕