COVID-19
ជាតិ
សម្តេច ហ៊ុន សែន គ្រោងថ្លែងបិទបញ្ចប់ព្រឹត្តិការណ៍សហគមន៍២៨វិច្ឆិកានៅថ្ងៃស្អែក
× សម្តេចនាយករដ្ឋមន្ត្រី ហ៊ុន សែន នឹងថ្លែងសារពិសេសពាក់ព័ន្ធនឹងការបិទបញ្ចប់ព្រឹត្តិការណ៍សហគមន៍២៨វិច្ឆិកា នាព្រឹកថ្ងៃអង្គារ ទី២៩ ខែធ្នូ។ នេះបើតាមការបញ្ជាក់របស់អគ្គនាយកដ្ឋានទូរទស្សន៍ជាតិកម្ពុជា។
ប្រមុខរដ្ឋភិបាល នឹងថ្លែងសារពិសេសចាប់ពីម៉ោង៩ព្រឹក ពីក្រុងតាខ្មៅ ខេត្តកណ្តាល ដោយមានការផ្សាយផ្ទាល់តាមទូរទស្សន៍ជាតិ។ ក្រៅពីសារពិសេស ពាក់ព័ន្ធនឹងការបិទបញ្ចប់ព្រឹត្តិការណ៍សហគមន៍ ២៨វិច្ឆិកា សម្តេច ហ៊ុន សែន ក៏នឹងលើកឡើងចំណុចសំខាន់ៗផ្សេងទៀតផងដែរ។
បច្ចុប្បន្ន កម្ពុជានៅសល់ អ្នកជំងឺកូវីដ-១៩ តែ៤នាក់ទៀតប៉ុណ្ណោះ ដែលក្នុងនោះ មាន៣នាក់ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា និង១នាក់ជាករណីនាំចូល។ សរុបទូទាំងប្រទេស អ្នកកើតកូវីដ-១៩ មាន៣៦៤នាក់ ដោយ៣៦០នាក់ បានជាសះស្បើយ រីឯអ្នកពាក់ព័ន្ធព្រឹត្តិការណ៍សហគមន៍៤១នាក់ មាន៣៨នាក់បានជាសះស្បើយជាបន្តបន្ទាប់។
កាលពីថ្ងៃទី២៧ ខែធ្នូ វិទ្យាស្ថានប៉ាស្ទ័រកម្ពុជា បានវិភាគវត្ថុសំណាក៨ ដែលពាក់ព័ន្ធនឹងព្រឹត្តិការណ៍២៨វិច្ឆិកា ហើយលទ្ធផលសុទ្ធតែអវិជ្ជមាន៕
© រក្សាសិទ្ធិដោយ thmeythmey.com