កីឡាអន្តរជាតិ
អន្តរជាតិ
Schalke ប្តូរគ្រូលើកទី៤រដូវកាលនេះ ក្រោយក្រុមរកបាន៤ពិន្ទុ ពីការប្រកួត១៣លើក
× លោក Christian Gross អតីតគ្រូបង្វឹក Tottenham Hotspur បានក្លាយជាអ្នកចាត់ការទូទៅទី៤របស់ Schalke 04 ក្នុងរដូវកាលនេះ។ Schalke បញ្ចប់តំណែងគ្រូ៣រូបរួចមកហើយ ក្រោយក្រុមធ្លាក់ដល់បាតតារាង។
អ្នកចាត់ការសញ្ជាតិស្វ៊ីសវ័យ ៦៦ ឆ្នាំដែលចាកចេញពីតំណែងគ្រូ Al-Ahli ក្រុមនៃលីគកំពូលអារ៉ាប៊ីសាអូឌីតកាលពីខែកុម្ភៈ នឹងត្រូវធ្វើការធ្ងន់ដើម្បីស្រោចស្រង់ Schalke ដែលស្ថិតនៅបាតតារាង Bundesliga លីគកំពូលអាល្លឺម៉ង់សព្វថ្ងៃ។
ក្រោមការដឹកនាំរបស់អ្នកចាត់ការ៣រូប David Wagner, Manuel Baum និង Huub Stevens នៅរដូវកាលនេះ Schalke រកបានតែ៤ពិន្ទុប៉ុណ្ណោះពីការប្រកួត១៣លើក និងស្ថិតនៅបាតតារាងប្រឈមធ្លាក់ទៅលីគក្រោម។ លោក Gross បានក្លាយជាអ្នកចាត់ការទី៤របស់ Schalke សម្រាប់ការប្រកួតដែលនៅសល់។
Gross ដែលធ្លាប់ដឹកនាំក្រុម Spurs អំឡុងឆ្នាំ១៩៩៧-៩៨ បានចុះកិច្ចសន្យាជាមួយក្រុមអាល្លឺម៉ង់មួយនេះត្រឹមបញ្ចប់រដូវកាល ២០២០-២១នេះប៉ុណ្ណោះ។ ការប្រកួតដំបូងក្រោមការដឹកនាំរបស់លោក Gross គឺ Schalke ត្រូវធ្វើដំណើរទៅជួប Hertha Berlin នៅរាត្រីថ្ងៃទី២ ខែមករាឆ្នាំ ២០២១៕
Tag:
Christian Gross
Schalke 04
© រក្សាសិទ្ធិដោយ thmeythmey.com