ជាតិ
សុខភាព
កុមារនិងស្ត្រីជាង៦ម៉ឺននាក់ បានទៅពិនិត្យ និងព្យាបាលនៅមន្ទីរពេទ្យគន្ធបុប្ផាក្នុងខែធ្នូ
× ភ្នំពេញ៖ ក្នុងខែធ្នូ ឆ្នាំ២០២០ កុមារនិងស្ត្រី ជាង៦ម៉ឺននាក់ បានទៅពិនិត្យ និងព្យាបាលនៅមន្ទីរពេទ្យគន្ធបុប្ផារាជធានីភ្នំពេញនិងខេត្តសៀមរាប។ នេះបើតាមតួលេខរបស់មន្ទីរពេទ្យគន្ធបុប្ផា។
តួលេខរបស់មន្ទីរពេទ្យគន្ធបុប្ផាបានបង្ហាញថា កុមារឈឺចំនួន ៤១,៥១៤នាក់ បានពិនិត្យព្យាបាល នៅក្នុងផ្នែកពិគ្រោះជំងឺក្រៅ។ រីឯកុមារមានជំងឺធ្ងន់ ចំនួន ៩,១២៦នាក់ កុមារមានជំងឺគ្រុនឈាមចំនួន ២៥២នាក់ និងកុមារមានជំងឺគ្រុនឈីក ចំនួន ៥៦នាក់ បានដាក់ឱ្យសម្រាកព្យាបាលនៅមន្ទីរពេទ្យ។
បើតាមលិខិតដដែល កុមារចំនួន ១,៩២៤នាក់ ត្រូវបានទទួលការវះកាត់ និងកុមារចំនួន ៦៨នាក់ បានវះកាត់បេះដូងនិងភ្ជិតប្រហោងបេះដូងតាមសរសៃឈាម។
ស្ត្រីមានផ្ទៃពោះចំនួន ៧,៣១៩នាក់ បានមកពិនិត្យផ្ទៃពោះ និងសម្រាលកូនបានចំនួន១,៩៧៧នាក់ នៅផ្នែកពិគ្រោះជំងឺក្រៅនៃមន្ទីរសម្ពព។ សូមបញ្ជាក់ថា រាល់ការព្យាបាលនៅមន្ទីរពេទ្យគន្ធបុប្ផាទាំងរាជធានីភ្នំពេញ និងសៀមរាបគឺឥតគិតថ្លៃ៕
Tag:
កុមារ
ស្ត្រី
មន្ទីរពេទ្យ
គន្ធបុប្ផា
សុខភាព
© រក្សាសិទ្ធិដោយ thmeythmey.com