ឆ្នាំ២០២០ រមណីយដ្ឋានអង្គររកចំណូលបានជាង១៨ លានដុល្លារ ធ្លាក់ចុះ៨១ភាគរយ

ជាតិ

ឆ្នាំ២០២០ រមណីយដ្ឋានអង្គររកចំណូលបានជាង១៨ លានដុល្លារ ធ្លាក់ចុះ៨១ភាគរយ

02, Jan 2021 , 12:59 pm

រូបភាព

ភ្ញៀវទេសចរមកទស្សនា ប្រាសាទអង្គរតូច។ ថតដោយ ទូច សុវណ្ណឌី

ដោយ: អ៊ុត រស្មី (Uth Raksmey)

រមណីយដ្ឋានអង្គររកចំណូលបាន ជាង១៨លានដុល្លារ ពីភ្ញៀវទេសចរបរទេសចំនួនជាង ៤០ម៉ឺននាក់ ដែលបានទស្សនាតំបន់អង្គរវត្ត នៅឆ្នាំ២០២០។ ប្រាក់ចំណូលនេះ ថយចុះ ៨១,១៧ ភាគរយ ធៀបនឹងឆ្នាំ២០១៩។ នេះបើតាមសេចក្ដីប្រកាសព័ត៌មានរបស់គ្រឹះស្ថានអង្គរ។

ដោយឡែក បើគិតតែក្នុងខែធ្នូឆ្នាំ២០២០វិញ រមណីដ្ឋានអង្គរវត្តទទួលចំណូលពីការលក់សំបុត្រចំនួន ៥២,៥៤៣ដុល្លារ ពីភ្ញៀវទេសចរបរទេសចំនួន ១,១៦៩នាក់ ។ ចំនួនភ្ញៀវទេសចរប្រចាំខែធ្នូនេះ ថយចុះ ៩៩,៤៤ភាគរយ បើធៀបនឹងខែធ្នូឆ្នាំ២០១៩។

បើតាមសេចក្ដីប្រកាសព័ត៌មានដដែល ក្នុងឆ្នាំ២០២០ ប្រាសាទកោះកែរ រកចំណូលបាន៩១,២៥០ដុល្លារ ពីភ្ញៀវទេសចរបរទេស ៩,១២៥នាក់ ខណៈក្នុងខែធ្នូឆ្នាំ២០២០ រកចំណូលបាន៩១០ ដុល្លារ ពីភ្ញៀវទេសចរ ៩១នាក់៕