ជាតិ
ThmeyThmey ទទួលបាន«មូលនិធិសង្គ្រោះ»ពីក្រុមហ៊ុន Google ក្នុងស្ថានភាពវិបត្តិកូវីដ-១៩ កញ្ញា ខន ចំប៉ា និពន្ធនាយករងនៃសារព័ត៌មានថ្មីៗទស្សនកិច្ច ការិយាល័យក្រុមហ៊ុន Google ក្នុងប្រទេស សិង្ហបុរី ក្នុងឆ្នាំ ២០១៨
× សារព័ត៌មានថ្មីៗ (Thmey Thmey) ទទួលបានមូលនិធិមួយរបស់ក្រុមហ៊ុន Google ចំនួន ១២៥០០ ដុល្លារ តាមរយៈមូលនិធិសង្គ្រោះបន្ទាន់សម្រាប់សារព័ត៌មាន (Journalism Emergency Relief Fund)។ មូលនិធិនេះគឺជាផ្នែកមួយនៃកម្មវិធីផ្តួចផ្តើមនៃព័ត៌មានរបស់ហ្គូហ្កល (Google News Initiative) នៃក្រុមហ៊ុន Google។
សារព័ត៌មានថ្មីៗ ត្រូវបានជ្រើសរើសឱ្យជាប់ជាជ័យលាភីក្នុងចំណោមបេក្ខភាពជាក្រុមហ៊ុនសារព័ត៌មានជាង ១២០០០ក្រុមហ៊ុន មកពីជាង១០០ប្រទេសនៅជុំវិញពិភពលោក ដែលបានដាក់ពាក្យស្នើសុំមូលនិធិ។ មូលនិធិនេះត្រូវបានបង្កើតឡើងដោយក្រុមហ៊ុន Google ដើម្បីជួយសម្រាលបន្ទុកក្រុមហ៊ុនសារព័ត៌មាននៅក្នុងអំឡុងពេលនៃវិបត្តិជំងឺកូវីដ-១៩។
ជាមួយនឹងមូលនិធិដែលទទួលបានពីក្រុមហ៊ុន google នេះ សារព័ត៌មានថ្មីៗត្រូវប្រើប្រាស់មូលនិធិនេះសម្រាប់រយៈពេល៦ខែ ដើម្បីផលិតព័ត៌មានពីបណ្តាខេត្ត ដោយការជ្រើសរើសបណ្ដុះបណ្តាលយុវជនអ្នកស្រឡាញ់អាជីពសារព័ត៌មាននៅតាមបណ្ដាខេត្ត។
គួរបញ្ជាក់ថាក្នុងចំណោមបេក្ខភាពជាង ១២០០០ក្រុមហ៊ុន មាន ៥៦២៣ ក្រុមហ៊ុនដែលត្រូវបានជ្រើសរើសជាប់ជាជ័យលាភី។ ពីប្រទេសកម្ពុជា មានស្ថាប័ន ៣ ដែលជាប់ទទួលបានមូលនិធិពីក្រុមហ៊ុន Google ដែលក្នុងនោះរួមមាន៖ សារព័ត៌មានថ្មីៗ, វិទ្យុសំឡេងប្រជាធិបតេយ្យ (VOD) និង AEC News Today៕
Tag:
google
GNI
JERF
ថ្មីៗ
© រក្សាសិទ្ធិដោយ thmeythmey.com