អត្ថបទពាណិជ្ជកម្ម
សញ្ញាបណ្ណសាជីវកម្ម អ អិម អេ ខេមបូឌា ឈ្នះពានរង្វាន់ “ការបោះផ្សាយសញ្ញាបណ្ណជារូបិយបណ្ណក្នុងស្រុកដ៏ឆ្នើម”
× សញ្ញាប័ណ្ណសាជីវកម្មរបស់ក្រុមហ៊ុន អ អិម អេ ខេមបូឌា ទទួលបានពានរង្វាន់ “ការបោះផ្សាយសញ្ញាបណ្ណជារូបិយបណ្ណក្នុងស្រុកដ៏ឆ្នើម” ដោយពានរង្វាន់ Assets Asian Awards 2020។ នេះគឺជាលើកទីមួយហើយដែលក្រុមហ៊ុន អ អិម អេ ខេមបូឌា ដែលមិនមែនជាស្ថាប័នហិរញ្ញវត្ថុបានបង្កើនការផ្តល់ហិរញ្ញប្បទាននៅក្នុងទីផ្សារមូលបត្រ័កម្ពុជា។ ហើយនេះក៏ជាលើកទីមួយដែលក្រុមហ៊ុន Credit Guarantee and Investment Facility បានផ្តល់ការធានាដល់ក្រុមហ៊ុននៅក្នុងប្រទេសកម្ពុជា។
លោក ងន សាំង អគ្គនាយកក្រុមហ៊ុន អ អិម អេ ខេមបូឌាបានលើកឡើងថា “យើងពិតជារំភើបនិងមានមោទនភាពដែលបានក្លាយជាស្ថាប័នមិនមែនហិរញ្ញវត្ថុដំបូងគេដែលបានបង្កើនដើមទុននៅផ្សារហ៊ុនកម្ពុជា។ នេះគឺជាជំហ៊ានវិជ្ជមានមួយសម្រាប់សេដ្ឋកិច្ចកម្ពុជាទាំង មូលហើយនៅពេលដែលក្រុមហ៊ុនកាន់តែច្រើនបានដឹងពីអត្ថប្រយោជន៍នៃការចុះបញ្ជី វានឹងជួយឱ្យសេដ្ឋកិច្ចកម្ពុជាទាំងមូលរីកចម្រើន”។
គួររំលឹកផងដែរថា សញ្ញាប័ណ្ណសាជីវកម្មរបស់ក្រុមហ៊ុន អ អិម អេ ត្រូវបានចុះបញ្ជីកាលពីខែមេសាឆ្នាំ២០២០កន្លងទៅជាមួយនឹងការចេញមូលបត្របំណុលចំនួន ៨០០.០០០ ដែលមានតម្លៃ ១០០.០០០ រៀលក្នុងមួយសន្លឹក និងប្រមូលបានមូលធនសរុបចំនួន ៨០ ពាន់លានរៀល (២០ លានដុល្លារ) ដោយមាន អេស ប៊ី អាយ រ៉ូយ៉ាល់ស៊ីឃ្យួរីធី (អេសប៊ីអាយ) ជាទីប្រឹក្សាតែមួយគត់សម្រាប់ការចុះបញ្ជីនេះផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com