COVID-19
ជាតិ
រូបថត Xinhua
×![]()
ដោយ: សារព័ត៌មានថ្មីៗ
អ្នកកើតកូវីដ-១៩ ឡើងដល់ជាង៩៨លាននាក់ហើយ បើគិតត្រឹមថ្ងៃទី២២ ខែមករា នេះ ដែលក្នុងនោះមានអ្នកស្លាប់ជាង២.១លាននាក់ និងសះស្បើយជាង៧០.៤៦លាននាក់។ សហរដ្ឋអាមេរិក ឥណ្ឌា និងប្រេស៊ីល នៅតែបន្តមានករណីឆ្លង និងស្លាប់ច្រើនជាងគេបំផុត។
សហរដ្ឋអាមេរិក មានជាង២៥.១៩លានករណី ឥណ្ឌាជាង១០.៦២លាន, ប្រេស៊ីលជាង៨.៦៩លាន, រុស្ស៊ីជាង៣.៦៥លាន, ចក្រភពអង់គ្លេសជាង៣.៥៤លាន, បារាំងជិត៣លាន, អេស្ប៉ាញជាង២.៥៦លាន, អ៊ីតាលីជាង២.៤២លាន, តួកគីជាង២.៤១លាន អាល្លឺម៉ង់ជាង២.១លាន និងកូឡុំប៊ីជិត២លាន។
ប្រទេសផ្សេងទៀតដែលមានអ្នកឆ្លងក្នុងរង្វង់ជាង១លានករណី រួមមាន អាហ្សង់ទីន ម៉ិកស៊ិក ប៉ូឡូញ អាហ្វ្រិកខាងត្បូង អ៊ីរ៉ង់ អ៊ុយក្រែន និងប៉េរូ ខណៈឥណ្ឌូណេស៊ី ហូឡង់ និងសាធារណរដ្ឋឆេក មានជាង៩០ម៉ឺនករណីរៀងៗខ្លួន។
កាណាដា រូម៉ានី មានជាង៧០ម៉ឺនករណី ខណៈស៊ីលី បែលហ្ស៊ិក និងអ៊ីរ៉ាក់ ជាង៦០ម៉ឺនករណី។ រីឯប្រទេសដទៃទៀតដែលមានជាងកន្លះករណី មានព័រទុយហ្គាល់ អ៊ីស្រាអែល ស៊ុយអែត បង់ក្លាដែស ប៉ាគីស្ថាន ហ្វីលីពីន និងស្វីស។
ក្នុងចំណោមអ្នកស្លាប់ជាង២.១លាននាក់ សហរដ្ឋអាមេរិកមានជាង៤២ម៉ឺននាក់ ប្រេស៊ីលជាង២១ម៉ឺននាក់ ឥណ្ឌាជាង១៥ម៉ឺននាក់ និងម៉ិកស៊ិកជាង១៤ម៉ឺននាក់។ ប្រទេស២៧ទៀតមានអ្នកស្លាប់ចន្លោះពីជាង១ម៉ឺននាក់ទៅជាង៩ម៉ឺននាក់ ក្នុងនោះ ចក្រភពអង់គ្លេសមានជាង៩ម៉ឺន ឥណ្ឌូណេស៊ីជាង២៧០០០ និងហ្វីលីពីនជាង១ម៉ឺននាក់៕
© រក្សាសិទ្ធិដោយ thmeythmey.com
